Charles, duc de Bourbonnais et d'Auvergne, etc., nomme Jean de Rivalsupt, de Noirétable, notaire de la cour de Forez, à l'office de forestier et garde des bois de Cervières, vacant par le décès de Bonnet de Gurande.
Charles, duc de Bourbonnais et d'Auvergne, etc., nomme Jean de Rivalsupt, de Noirétable, notaire de la cour de Forez, à l'office de forestier et garde des bois de Cervières, vacant par le décès de Bonnet de Gurande A. Chaverondier, auteur de l'Inventaire-sommaire, lit Bonnet d'Egarande. Cet officier n'est pas connu. Cette édition transcrit Bonnet de Guirande, qui fut également forestier de Cervières (voir l'acte du 11 juin 1455).
Charles, duc de Bourbonnois et d'Auvergne, comte de Clermont et de Fourez, seigneur de Beaujeu et de Chastel Chinon, per et chamberier de France, a touz ceulx qui ces presentes lettres verront, salut. Savoir faisons que pour la bonne relacion que faicte nous a esté de la personne de nostre bien amé Jehan du Rivalsupt, notere de nostre court de Fourez demorent a Noirestable, nous, confians a plain de ses sens, loyauté, prudomie, souffisance et bonne diligence, a icellui avons donné et par ces presentes donnons l'office de forestier et garde de noz bois de Cerviere, vaccant a present par la mort et decés de feu Bonnet de Guirande, dernier detenteur d'icellui, a icellui office de forestier avoir, tenir, gouverner et excercer par ledit Jehan de Rivalsupt aux gages, droiz, proufiz et esmolumens acostumés et audit office appartenans, tant comme il nous plaira. Si donnons en mandement par ces mesmes presentes a noz amez et feaulx gens de noz comptes et maistre de noz eaux et forestz en Forez, et chascun d'eulx, si comme a lui appartiendra, que, pris et receu dudit Jehan de Rivalsupt le serement acoustumé de fere en tel cas et caucion souffisante, il le mecte et institue, ou facent mettre et instituez en possession et saisine dudit office si a ce est ydoene et souffisant, et d'icellui et les gages, droiz, proffiz et esmolumens dessusdiz le facent, laissent et seuffrent joïr et user plainement et paisiblement, et a lui obeir de tout en toutes choses tochant ledit office, en ostant et deboutant tout autre illicite detenteur d'icellui non aïant noz lettres precedans en date ces presentes, lequel nous en ostons et deboutons par icelles, esquelles, en temoign de ce, nous avons fait mettre nostre seel. Donné en nostre chastel de Molins, le XX jour d'octobre, l'an de grace mil CCCC LV.
Par monseigneur le duc.
Gon.