1444, 20 juinNS

Charles, duc de Bourbonnais et d'Auvergne, etc., mande à Pierre Mandonier, receveur au bas pays d'Auvergne de la portion de l'aide de quarante mille francs octroyé par les gens des trois états d'Auvergne au roi, de délivrer la somme de cinq cent livres tournois pour services rendus, selon la répartition suivante : deux cent livres à Louis de Bourbon, comte de Montpensier, son frère, deux cent à Bertrand V de la Tour d'Auvergne, comte de Boulogne et d'Auvergne, et cent à Jacques de Châtillon, seigneur de Dampierre et de Revel.

Charles, duc de Bourbonnois et d'Auvergne, comte de Clermont et de Forez, seigneur de Beaujeu et de Chastel Chinon, per et chamberier de France, a nostre amé Pierre Mandonier, receveur ou bas paÿs d'Auvergne de la porcion de l'aide de quarante mil frans octroïé a monseigneur le roy par les gens des trois estats dudit bas et du hault païs d'Auvergne, assemblez en la ville de Clermont ou mois d'avril derrenierement passé, salut. Comme il ait esté ordonné mectre sus et imposer avecques ladicte porcion et les autres fraiz d'icellui aide par les commisseres a ce ordonnés la somme de cinq cens livres tournois, a icelle distribuer par ledit receveur ainsi que par nous sera ordonné, comme par les instructions et ordonnances fetes sur le fait d'icellui ayde peut plus a plain [aparoir

Pliure au milieu du mot.

], laquelle somme nous avons distribuee et ordonné par vous estre paiee et delivree aux personne cy [aprés

Idem, recours à B pour compléter.

] declerees pour aucuns services et plaisirs et pour certaine despense qu'ilz ont eues et soustenues pour le fait dudit païs d'Auvergne, c'est assavoir, a nostre frere le conte de Montpencier, deux cens livres tournois, a nostre cousin le conte de Bouloigne et d'Auvergne, deux cens livres tournois, et au sire de [Dampierre

Idem.

] et de Revel les autres cens livres tournois. Si vous mandons par ces presentes que icelle somme de cinq cens livres tournois vous paiez, baillez et delivrez aux dessusdiz par les parties dessusdictes en [prenant de ce

Idem.

] leurs quittances pour vostre acquect, et consentons que en rapportant lesdictes instructions, leursdictes quictances et ces presentes tant seulement, icelle somme de cinq cens livres tournois soit alouee en vos comptes et rabatue de vostre recepte dudit aide partout ou il appartiendra, sans y faire aucune difficulté. Donné soubz nostre seel et seing manuel le vintyesme jour de juing, l'an de grace mil quatre cens quarante et quatre.