1402, 4 aoûtMoulins

Louis, duc de Bourbonnais etc., retient et constitue maître Étienne de La Grange, licencié en lois, conseiller et avocat en sa cour de Forez, aux gages de 24 livres tournois annuelles, et mande à son bailli, une fois le serment reçu dudit Étienne, de l'instituer dans l'office.

Loÿs, duc de Bourbonnois, conte de Fourez, baron et seigneur de Beaujeu, per et chamberier de France, a touz ceulx qui verront ces presentes lettres, salut. Savoir faisons que, par le bon rapport qui nous a esté fait de la personne de maistre Estienne de la Grange

Licencié ès lois, juge ordinaire de la baronnie de Beaujolais pour Édouard II de Beaujeu – Louis II le maintient dans la charge quand il devient seigneur de Beaujolais en 1400 –, Étienne de La Grange est créé conseiller et avocat en la cour de Forez le 4 août 1402 (Archives départementales Loire, B 2005, fol. 15v-16). Il intègre ensuite la Chambre des comptes de Montbrison où il est attesté pour la première fois le 15 mai 1416 et où il exerce, semble-t-il, jusqu'à sa mort – il teste en 1435 (Archives départementales Loire, B 1837, fol. 93 ; B 1950, fol. 114v ; B 1899, fol. 19).

, licencié en loys, confianz a plain de son senz, loyauté et bonne diligence, ycellui maistre Estienne avons retenu, constitué et ordenné, retenons, constituons et ordennons nostre conseillier et advocat en nostre court et païs de Fourez aux gaiges de vint et quatre livres tournois de gages un chascun an tant comme il nous plaira, a paier yceulx gaiges auz termes accoustumez a paier noz pensions. Si donnons en mandement a nostre tresorier de Fourez qui a present est et par le temps avenir sera que audit maistre Estienne, nostre conseiller et advocat, paie et delivre un chascun an ladite somme de XXIIII livres tournois es termes dessus diz, car par rapportant vidimus de ces presentes et quittances de lui tant ce que paié lui aura esté pour ladite cause lui sera alloué en ses comptes et rabatu de sa recepte sanz aucun contredit par noz amez et feaux genz de noz comptes. Et donnons en mandement par ces mesmes lettres a nostre bailli de Fourez ou a son lieutenant que, pris dudit maistre Estiene le serment accoustumé a fere en tel cas, il dudit office le mette en possession et saysine et d'icellui le face joïr et user paisiblement. Et mandons aussi a touz noz justiciers, officiers et subgiez de nostredit païs, requerons touz autres que audit maistre Estiene comme nostre conseiller et advocat en nostredit païs et court de Fourez en faisant et excercent dehuement ledit office obeïssent et entendent diligemment, et lui donnent conseil, confort et aide se mestier en a par lui en soient requis. Donné a Molins, soubz nostre seel, le IIIIe jour du mois d'aoust, l'an de grace mil IIIIC et deux.