1394, 7 décembreMontluçon (Château)

Louis, duc de Bourbonnais etc., accorde à Jean de Bonnebaut, chevalier, droit de justice jusqu'à 60 sols, sa vie durant, sur la terre de Royterre, sise dans la seigneurie de Combraille, que feu le comte de Boulogne avait donnée audit Bonnebaut mais sans la justice.

Loÿs, duc de Bourbonnois, conte de Clermont et de Fourez, par et chambarer de France et seigneur de Combrailhe, a touz ceulx qui ces lettres verront, salut. Savoir faisons par nostre amé et feaul chevalier, messire Jehan de Bonnebaut

Jean de Bonnebaut est un proche de Louis II qu'il a servi militairement et diplomatiquement. Il est l'un des quatres vieux chevaliers que Louis II désigne pour l'accompagner dans sa retraite aux Célestins de Vichy (Chronique du bon duc, p. 292-293). Chambellan du roi (1400), il est sénéchal de Rouergue de 1399 à 1410, puis sénéchal de Toulouse de 1411 à 1414 (A. Demurger, "Guerre civile et changememt du personnel administratif", p. 235). Il meurt à la bataille d'Azincourt.

, nous avoir esté exposé que comme feu nostre cosin le conte de Boulegne en son vivant lui ait donné en la terre de Royterre situé et assise en nostre chastellenie de Combrailhe vint livrez de rante rendable durant la vie de nostredit chevalier comme par les lettres de nostredit cosin le conte sur ce faictes puet apparoir, et yl soit ainsi que, en la donacion dessus dicte, ne fu comprise aucune justice ainsi qu'il dit en nous humblement supplient a lui sur ce estendre et fere aucune provision, nous, aians consideracion ad ce et aux agreables et proffitables servises a nous faiz ou temps passé par ledit messire Jehan de Bonnebaut et esperons qu'il face ou temps avenir et ausi a la quantité des feux estans sur les lieux de ladicte donacion qui ne sont que cinq en nonbre, a ycellui messire Jehan de Bonnebaut avons donné et octroié, donnons et octroions de nostre certaine cience et grace especiaul par la teneur de ces presentes, et nous plet et voulons que, es lieux assis et cituez en la donnacion dessus dicte, il ait justice et segnorie jusques a sexannte soubz durant sa vie seulement. Si donnons e

sic pour en.

mandement a nous amez et feaulx les gens de noz contes, a nous bailli et receveur de Combrailhe et a touz nous autres justiciers et officiers ou a leurs lieutenans et a chascun de eux si comme a lui appartiendra, de nostre presente grace, don et octroy facent et suffrent et laissent ledit messire Jehan de Bonnebaut, ses gens et officiers pour lui joïr et user passiblement, car ainsi nous plet il estre fait, non obstant ordonnances, ou de fere quelxconques au contraire. En tesmoing de ce, nous avons fet mectre nostre see

sic.

ad ces presentes. Donné en nostre chastel de Montluçon, le VIIe jour de decembre, l'an de grace mil CCC IIIIXX et quatorze.