1394, 16 maiMontbrison

Louis, duc de Bourbonnais etc., nomme son amé et féal Philippe de Tholoigny châtelain et capitaine de la châtellenie de Saint-Marcellin, en remplacement de Guillot Bugier, qui en a été déchargé, et mande à ses gens des comptes de Montbrison de le mettre en possession dudit office dont l'exercice commencera à la Saint-Jean Baptiste prochaine.

Loÿs, duc de Bourbonnois, conte de Clermont et de Forez, per et chamberier de France, a touz ceulx qui cez presentes lettres verront, salut. Savoir faisons que nous, confians a plein du sens, loyaulté et bonne diligence de nostre amé et feal Philipes de Tholoigne

Possessionné à Saint-Galmier, Néronde et Saint-Marcellin, il est le fils aîné de Hugues de Tholoigny dit Bolleron ou Bolleyron de Tholoigny, qui fut capitaine-châtelain de Châtelus et Fontanès en 1364, puis châtelain de Saint-Galmier en 1366, poste où il fut renommé le 17 juin 1368 et où il est encore en 1379. Philippe testa en 1445, alors qu'il était presque octogénaire ; il est encore vivant en 1452 (Paris, Bibliothèque nationale de France, lat. 10034, fol. 54, 64, 66v ; É. Perroy, Les familles nobles, II, p. 891-892).

, ycellui avons fait, establi et ordonné et par ces presentes faisons, ordonnons et establissons chastellain et capitaine de nostre chastel et chastellenie de Saint Marcellin

Saint-Marcellin : Loire, ar. Montbrison, c. Saint-Just-Saint-Rambert.

que tenoit nagueres Guillot Bugier, lequel nous en avons deschargé et deschargons par certaines causes qui a ce nous ont meu, a tenir et excercer lesdiz offices par ledit Philipes tant comme il nous plesra aux gaiges, prouffis et emolumens acoustumés, auquel Phelipes nous avons donné et donnons plain povoir et mandement especial de fere et excercer toutes choses que a bon et loyal chastellain et capitaine puet et doit fere et que auxdiz offices appartiennent. Si donnons en mandement par ces mesmes lettres a noz amés et feaulx gens de noz comptes a Montbrison que, pris premierement avant toute heuvre de lui le serement acoustumé a fere en tel cas, il le mectent et facent mectre en possession et saisine desdiz offices, et d'iceulx et desdiz gaiges, prouffiz et emolumens d'iceulx acoustumés il le sueffrent, laissent, facent joïr et user et poier en la maniere acoustumee par cellui ou ceulx a qui il appartiendra, tant comme il excercera lesdiz offices en deboutant tout autre detenteur dudit office. Et par rappourtant cez presentes ou vidimus d'icelles souz son seel auctentique par premiere foiz seulement et quictance dudit Phelipes, nous voulons tout ce qui ainsi lui sera poyé pour ceste cause estre alloé es comptes de lui ou ceulx de noz receveurs et prevosts a cui il appartiendra par nozdictes gens dez comptes qui a present sont et seront pour le temps avenir sans aucun contredit ou deffaulte. Mandons et commandons a touz noz subgiz, prions et requerons touz autres que a icellui Phelipes en faisant et excercent dehuement lesdiz offices obeïssent et entendent diligement et lui donnent conseil, confort et aide si mestier en a et par lui en sont requis. Et commencera a excercer lesdiz offices a la Saint Jehan Baptiste prouchain venant. Donné souz nostre seel, le XVIe jour de may, l'an mil CCC IIIIXX et XIIII.