1370, 10 juinMontbrison

Louis, duc de Bourbonnais etc., en tant que curateur du comte de Forez, établit son conseiller et clerc du roi, Jean Frenier, garde du bailliage de Forez.

Loÿs, duc de Bourbonnoys, conte de Clermont, per et chambarier de France, curateur de nostre tres chier et amé cousin le conte de Fourez, a touz ceulx qui verront ces presentes lettres, salut. Savoir faisons que nous, confians a plain du sens, loyaulté et bonne diligence de nostre amé conseiller Jehan Frenier, clerc de monseigneur le roy, ycellui avons fait, establi et ordené, faisons, ordenons et establissons garde dou bailliage de Fourois, aus gaiges que les baillis ont acoustumé a prendre chescun an a cause dudit bailliage et avecques les autres profiz et esmolumens acoustumez, auquel Jehan Frenier

La dernière attestation de Jean Frenier dans cet office date du 10 septembre 1377 (Paris, Bibliothèque nationale de France, lat. 10034, fol. 84). Il est nommé le même jour capitaine-châtelain de Lavieu (Ibid., fol. 67v). Sur la carrière de Jean Frenier, qui est clerc du roi : É. Perroy, "Le personnel administratif", p. 157.

, garde dessus dit, nous avons doné et donnons plain pohuer et mandament especial de garder et gouverner ledit bailliage, tenir les audiences et assises, cognoistre, jugier et determiner de toutes causes touchant et apartenant audit office et totes autres que baillis et garde en tel cas puet et doit fere. Mandons et commandons a toz nous subgiz et de nostredit cousin, requerons touz autres que audit garde en ce faisant obeïssent et diligement entendent. Et donnons en mandament au tresurier de Fourois que un chacun an paie les gaiges dudit garde ou bien assigne par telle maniere que il s'en tiegne contanz, car par rapourter copie de ces presentes subz seel auctentique lesdiz gaiges vous seront alohé en ce compte et desduit de votre recepte ou a celhui qui en comptera. Donné a Montbrison, soubz notre seel, le Xe jour de juign, l'an mil IIIC sexante et diz.