1367, 8 novembreSouvigny

Louis, duc de Bourbonnais etc., accorde aux habitants de Souvigny, à leur requête et du consentement du prieur de Souvigny, l'autorisation de lever un huitième de denier sur le vin vendu au détail dans leur ville et cinq sous par pièce sur le vin vendu en gros, ledit argent étant destiné aux réparations des murailles et ce, compte tenu du danger que constituent dans le pays les gens des compagnies et les ennemis du royaume.

Loÿs, duc de Bourbonnois, conte de Clermont, per et chambarier de France, a touz ceulx qui verront ces presentes lettres salut. Sachent tuit que nous, considerans l'estat de la forteresse de nostre ville de Sovigny

Souvigny : Allier, ar. Moulins, ch.-l. c.

et les grans fraiz, despens et mises qui a present sunt necesseres de faire pour le emparement, fortifficacion, garde et deffense d'icelle, et ce que de novel un pan des murs de ladite ville est cheuz par terre, lequel il convient incontenant reffaire tout a neuf, considerans aussit que les genz de compaigne et autres ennemis du royaume sunt sur le pays de toutes part, du consentement des genz de nostre amé conseiller le prieur de Sovigny, et a la supplicacion et requeste des bourgois et habitanz de ladite ville, avons octroyé et nous plest que un souchet de tout vin vendu en gros et en detailh en ladicte ville soit levez en la maniere qui s'ansuit : c'est assavoir vin vendu a detailh le huitieme denier, et de touz vins vendu en gros cinq solz par piece dont moitié sur le vendeur et moitié sur l'achapteur, et seront les deniers levez et receuz, mis et despensés par la main desdiz bourgois ou par leur commis et deputé, et les deniers emploiez et convertiz en la repparacion, garde et deffense de ladite ville proveu que le receveur et despensseur ordené sur ce en rendra compte a noz ou a noz genz touteffoiz que requis en sera. Donné soubz notre seel, en tesmoing de ce, le VIIIe jour de novembre, l'an mil CCC LX sept.