Charles, duc de Bourbonnais et d'Auvergne, mande aux officiers du comté de Forez de vendre les grains, vins et autres denrées, et de donner à Jean Douet, maître de la Chambre aux deniers de la duchesse, les recettes de cette vente, ou "au moins" celles des blés.
Charles, duc de Bourbonnais et d'Auvergne, mande aux officiers du comté de Forez de vendre les grains, vins et autres denrées, et de donner à Jean Douet, maître de la Chambre aux deniers de la duchesse, les recettes de cette vente, ou "au moins" celles des blés.
(Au verso) A noz amez et feaulx les bailli, juge, procureur, tresorier et clerc des comptes en nostre comté de Fourez.
(Au recto) Le duc de Bourbonnois et d'Auvergne. Noz amez et feaulx, nous vous mandons que incontinent ces lettres veues, a toute diligence, mandez venir par devers vous les prevostz de nostre conté de Fourez et faictes les ventes des grains, vins et autres memes ventes des choses vendables de ceste presente annee, et faictes delivrer a nostre amé et feal secretere et maistre de la chambre aux deniers de nostre tres chier et tres amee compaigne, Jehan Duet, les deniers qui ystront desdictes ventes, si comme nagueres vous avons mandé par noz lettres patentes, ou au moins faites luy bailler tous lesdiz blez venduz et appreciez selon la valeur et commune extimacion de nostredit conté de Fourez et des lieux ou seront lesdiz blez, et en ce ne faites point de faulte. Noz amez et feaulx, nostre seigneur soit garde de vous. Escript en nostre chastel de Montluçon, le XXVIIe jour de mars.
Charles.
Millet.