1402 (n. st.), 7 janvierMoulins

Anne Dauphine, duchesse de Bourbonnais etc., mande aux gens des comptes de Forez qu'Étienne d'Entraigues, trésorier de Forez, lève les revenus des châtellenies qui reviennent à la duchesse et en reverse les sommes à son maître de la chambre des deniers.

De par la duchesse de Bourbonnois, contesse de Forez et dame de Beaujeu.

A noz amez et feaulx les genz des comptes monseigneur et les nostres a Montbrison, salut. Comme monseigneur vous aie darrement mandé par ses lettres que toutes les revenues revenans a recepte des chastellenies qui bailliees nous ont esté et delivrees par mondit seigneur oudit païs de Forez pour soustenir la despence de nostre hostel contenue et desclaree oudit mandement vous feissiez commandement a touz les prevos d'icelles que toutes leurs receptes il baillassent et delivrassent au maistre de nostre chambre aux deniers ou a son commis sur ce pour ycelle convertir ou fait de nostre despence, nous, pour aucunes choses a ce nous mouvans, actendu aussi et consideré que nous ne faisons pas continuelle residence oudit païs et que de trop grant poine seroit audit maistre de nostre chambre aux deniers et de grans coux a nous d'aler lever desdiz prevots toutes ycelles receptes et revenues, vous mandons que par Estiene d'Entraigues, tresorier de Forez

Nommé trésorier de Forez le 9 juin 1370 par Louis II de Bourbon qui agit alors comme curateur du comte de Forez et régent de son comté (Paris, Bibliothèque nationale de France, lat. 10034, fol. 69), Étienne d'Entraigues demeure dans l'office jusqu'au 22 janvier 1409, date à laquelle il est remplacé par Guillaudon Chauvet (Archives départementales de la Loire, B 1950, fol. 50). Il est alors institué président de la Chambre des comptes de Montbrison, office que Louis II crée spécialement à son intention. Il est attesté pour la première fois dans cette nouvelle charge le 9 juillet 1409 (ibid., fol. 47 ; É. Fournial, Les mémoriaux de la Chambre des comptes de Forez, p. 75, 79-80 ; O. Mattéoni, Servir le prince, p. 211-213, 342).

, qui de ce est stile de long temps et la fait jusques ci et tenons qui le fera a venir de fe[re] pour nous que un autre ne feroit, vous faciez lever et recevoir toute la revenue d'icelles chastellenies par la forme et maniere que fait l'a ou temps passé tant les restes des annees passees comme la nouvelle et celles a venir, lesquelles receptes par lui aussi faites nous voulons et lui mandons par celles meismes lettres qu'il les baille entierement audit maistre de nostre chambre aux deniers, reservé qu'il praigne et retieigne devers lui en temps accoustumé et paié a ceulx a qui il appartiendra les gaiges, pensions et autres charges ordinaires accosutumees de faire par lui, et en rapportant seulement lettre ou lettres de recongnoissance dudit maistre de nostre chambre aux deniers et de touz autres de tout ce que baillié leur aura pour ceste cause, nous voulons qui lui soit alloué en ses comptes par vous et par ceulx a qui il appartiendra, et n'est point nostre entente que par ces presentes nous forclovons en riens la main dudit maistre de nostre chambre aux deniers, qu'il ne puisse et lui loise lever et recevoir desdiz prevostz toute la recepte qu'il porra avoir d'eulx pour convertir en nostre despense, tant par assignacion comme autrement et que lui semblera bon et proffitable pour nous en baillant ces lettres esdiz prevostz auxquels nous voulons que leur deduisez de leurs […] et comme accoustumé a esté, nous voulons que ledit tresorier soit tenuz de compter de toute la revenue des chastellenies que madame de Forez et nous tenons en nostre main, et yceulx prevostz viengnent compter a lui par la maniere accoustumee. Donné a Molins, soubz nostre seel, le VIIe jour de janvier, l'an mil IIIIC et un.