1392, 14 novembreParis

Louis, duc de Bourbonnais etc., demande à ses officiers la levée de la mainmise sur la châtellenie de l'Aubespin, au comté de Forez, prononcée après que les officiers de son neveu, le seigneur de Thoue et de Villars, eurent jugé des hommes de ladite châtellenie au lieu de Riverie, situé hors du comté ; laquelle levée interviendra après que le seigneur de Thoue aura juré de juger les hommes de l'Aubespin uniquement à l'Aubespin.

Loÿs, duc de Bourbonnois, conte de Clermont et de Forez, per et chamberier de France, a nostre bailli de Forez ou a son lieutenant, salut. Nous avons receu la supplication a nous faicte de la partie de nostre tres cher et feal neveu le seigneur de Thoue et de Villars contenant que, pour ce que ses justiciers et officiers de Riverie

Riverie : Rhône, a. Lyon, c. Mornant.

ont traictié les hommes, manans et habitans es chastel et chastellenie de l'Aubespin

L'Aubépin, ou encore l'Ebalpin : Rhône, ar. Lyon, c. Vaugneray, com. Larajasse.

en nostre conté et ressort de Forez par devant euls audit lieu de Riverie hors de nozdiz conté et ressors, vous avés pris et mis ledit lieu et justice de l'Aubespin en nostre main, lesquels exploiz ont esté faiz par ignorance et sans le sceu, comandement ou ordonnance de nostredit neveu si comme il dit, implorant nostre grace sur ce. Pour ce nous, considerans ce que dit est et pour amour de nostredit neveu et de nostre tres amee niece sa feme, a icellui et ses officiers ou cas dessus diz et parmi ce que avant que nostredite main soit levee, nostredit neveu ou son procureur pour lui promettra par devant vous appellé nostre procureur que les dessus diz manans et habitans audit lieu et chastellenie de l'Aubespin ne seront doresenavant traictiez pour lui ne ses officiers que audit lieu de l'Aubespin et par devant les justiciers et officiers dudit lieu et non hors de noz dessus diz conté et ressort, avons quitté et remis, quittons, remettons et pardonnons de grace especial par ces presentes telle amende et offense qu'il puet et puis avoir encore envers nous pour la cause dessus dicte. Si vous mandons que es cas et condicions dessus diz, nostredicte main et empeschement mis es lieu et justice de l'Aubespin pour la cause dessus dicte vous levez et ostés plainement sans traire ne contraindre nostredit neveu ne ses officiers pour ce a aucune amende ou composicion pour ceste foiz en laissent nostredit neveu et ses officiers de nostre presente grace joïr et user sans les molester ou empescher aucunement au contraire. Donné a Paris, le XIIIIe jour de novembre, l'an de grace mil CCC IIIIXX et douze.