1370 (n. st.), 21 marsParis

Louis, duc de Bourbonnais, mande à son receveur de Clermont(-en-Beauvaisis) de payer au Chartreux de Paris certaine somme d'argent comme aumône que ces deniers ont accoutumé de prendre sur la recette de la terre de Creil et que ledit receveur refusait de leur payer en l'absence de mandement ducal.

De par le duc de Bourbonnois.

Receveur de Clermont, les religieus, prieur et convent des Chartreux de Paris dient que il ont acoustumé de prandre chascun an sur la recepte de la terre de Creel

Creil : Oise, ar. Senlis, ch.-l. c.

, qui est de present en nostre main, certaine somme d'argent d'aumosne

annu écrit en fin de ligne, entre aumosne et annuelle, à la ligne suivante.

annuelle et perpetuelle, laquelle vous leur refusés a poier pour ce que vous n'en avez mandement de nous. Si vous mandons et estroitement enjoingons que tout ce que il vous appera que il ont acoustumé de prandre par an sur ladicte recepte vous leur poiez et delivrés pour ceste annee des premiers et plus clercs deniers de vostre recepte, et nous voulons et mandons que tout ce que vous leur aurez aussi poié parmi raportant ces presentes et quictances desdiz religieus vous soit alloee en vos comptes et deduit de vostre recepte sens contredit ne empeschement aucun, non obstant ordenances ou deffenses a ce contraire. Donné a Paris, sus nostre seel, le xxie jour de mars, l'an de grace mil CCC LXIX.