1445, 12 juilletNS

Quittance de Charles, duc de Bourbonnais et d'Auvergne, à Pierre Mandonier, receveur de la portion du bas pays d'Auvergne d'une aide de trois cent mille francs, pour la somme de 1500 livres tournois, accordée par les états d'Auvergne pour qu'il les protège du retour des gens d'arme.

Nous Charles, duc de Bourbonnois et d'Auvergne, confessons avoir eu et receu de Pierre Maindonier, commis par monseigneur le roy a recevoir et faire venir ens ou bas paÿs d'Auvergne la porcion de l'aide de IIIC M frans que mondit seigneur a ordonné et voulu avoir esté mis sus en tous ses paÿs de langue d'oïl pour ceste presente annee commencent le premier jour de janvier derrenier passé, tans pour le paiement et entretenement de ses gens de guerre qu'il a envoïé vivre hors de son royaume

A l'été 1444, le dauphin Louis conduit les gens d'arme hors du royaume : Philippe Contamine, Charles VII. Une vie, une politique, Paris, Perrin, 2017, p. 264-266.

comme pour autres ses affaires, la somme de quinze cens livres tournois que les gens des trois estaz d'icellui paÿs nous ont donnee, a icelle avoir et prendre des deniers par eulx mis sus oultre le principal dudit aide, pour nous aider a entretenir nostre estat et mesmement affin que ayons icellui paÿs pour recommandé tant envers mondit seigneur le roy que aussi envers monseigneur le daulphin, ad ce que de son povoir il garde que lesdictes gens de guerre ne viennent loger oudit paÿs, ainsi que par les instructions sur ce fetes par lesdiz gens des trois estaz appert, de laquelle somme de XVC l. t. nous nous tenons pour contens et bien payez et en quittons ledit Mandonier et tous autres qu'il appartient. Donné soubz nostre seel en tesmoing de ce, le XIIeme jour de juillet, l'an mil CCCC XIV.