1410, 30 septembreCleppé

Anne Dauphine, duchesse de Bourbonnais, comtesse de Forez et dame de Beaujeu, confirme l'exemption accordée par feu le duc Louis II, son mari, à la foire de Montbrison.

Anne Dauphine, duchesse de Bourbonnoys, contesse de Fourez

le milieu du mot Fourez est effacé.

<et dame de Beaujeu>, a tous ceulx qui nous presentes lectres verront, salut. Comme feu monseigneur, que Dieulx absoille, eust par ces lectres atachees a noz presentes et donnees le vingt et septiesme jour de decembre dernier passé, franchy une foyre qui ce tient en nostre ville de Montbrison le jour de saint Luc Euvangeliste de toutes laides, subsides, imposicions, gabelles et aultres subvencions quelzconques pour les troys jours, si come il ce contient esdites lectres, lesquelles ne vont este executees au vivant de mondit seigneur pour sa derniere ordonnance, or est ainsi que les hitans de nostredite ville de Montbrison sont venuz devers nous humblement supplians que les lectres de mondit seigneur volissons avoir

avoir effacé.

agreables et icelles reconfirmez

reconfirmez effacé.

, nous, qui tousjours vouldrions complaire es choses que feu mondit seigneur, que Dieu asoille et perdoint, a faictes, de tout nostre cuer et povoir, lesdittes lectres avons agreables et icelles reconfermons par la forme et maniere que mondit segineur leur a octroyé. Si donnons en mandement a noz amez et feaulx le bailly et gens de noz comptes en Fourez, et aux esleux et receveurs des aides et a tous aultres a qui il appertiendra, que le contenu des lectres de mondit seigneur il acomplissent et facent acomplir par la forme et maniere qu'elles se contiennent, car ainsi le voulons et nous plaist estre faict. DonnÉ a Clepé

Cleppé : Loire, ar. Montbrison, c. Feurs.

, soubz nostre seel, le trentiesme jour du moys de septembre, l'an mil quatre cens et dix.