1445, 1er septembreNS

Quittance d'Agnès, duchesse de Bourbonnais et d'Auvergne, à Martin Roux, receveur du haut pays d'Auvergne d'une aide de trois cent mille francs, de la somme de cent quarante livres tournois.

Nous Agnes, duchesse de Bourbonnoys et d'Auvergne, confessons avoir eu et receu de Martin Roux, receveur ou hault paÿs d'Auvergne de la porcion de l'aide de IIIC M f. mis sus par monseigneur le roy en ses paÿs de langue d'oil ou mois de janvier derrenier passé, et aussi des deniers mis sus par les gens des troys estaz dudit paÿs pour les affaires communs d'icellui, la somme de sept vings livres tournois a nous donnee et octroyee par lesdiz troys estaz pour les causes contenues et declairees es instrucions par eulx faictes et accordees, tant pour le fait dudit aide que pour lesdiz affaires communs, de laquelle somme de VIIXX l. t. nous nous tenons pour contente et bien payee, et en avons quitté et quittons ledit receveur et tous autres. En tesmoing de ce, nous avons fait mectre nostre seel a ces presentes, le premier jour du mois de septembre, l'an mil CCCC quarente et cinq.