[1425-1434], 17 janvierMoulins

Agnès de Bourgogne, comtesse de Clermont, informe les habitants de Riom qu'elle a demandé à Jean Ier, comte de Foix, de ne pas passer avec son armée dans leur ville.

(Au verso) A noz tres chier et bien amez bourgeois et habitans de [Riom]

(Au recto) La comtesse de Clermont. Tres chiers et bien amez, nous avons receu voz lettres par ce porteur, bien veu au long le contenu d'icelles, et sur ce escrivons presentement a beau cousin de Foiz que vueille fere passer ses gens d'armes sans sejorner es païs de monseigneur, qui sont et ont esté moult grevez et destruiz, et s'il convenoit qu'il passast par la ville de Riom, ce qu'il ne le peust eschevier, que ce fust a son estat simplement, sans

Sans suivi de faire barré.

y fere passer

Sans y fere passer suivi de gens barré.

nombre de gens d'armez et grevance a ladicte ville, et que en ce faisant fera a mondit seigneur tres grant plaisir, comme ces choses sont plus au long contenues en nosdictes lettres, sy vuilliez icelles envoié devers nostredit cousin par propre message, et nous tenons que pour amour et honneur de mondit seigneur ne vous sera fait que tout plaisir, et pour ce vous governer en ce gracieusement, sans fere chose dont peust avenir esclandre, et nous envoier tosjours sur ce toute nouvelles. Tres chiers et biens amez, nostre seigneur vous ait en sa garde. Escript a Molins, le XVIIe jour de janvier hastivement.