1406, 22 maiRoanne

Louis, duc de Bourbonnais etc., demande que soient payées à Jean Rosset, écuyer, vingt livres pour des pierres qui avaient été prises en sa maison forte d'Albin par Édouard, seigneur de Beaujeu, pour convertir en la réparation du château de Montmerle, pierres pour lesquelles il n'avait rien reçu en son temps, et ladite somme de vingt livres sera rabattue des comptes de Genten Mulatier, trésorier de Beaujolais, chargé de la payer.

Nous Loÿs, duc de Bourbonnois, conte de Forez et seigneur de Beaujeu, per et chamberier de France, a nostre amé Gencien Mulatier, tresorier de Beaujeuloiz

Il s'agit de la première mention de Gentien Mulatier dans l'office de trésorier de Beaujolais. Il l'est encore en 1407 (L. Aubret, Mémoires pour servir à l'histoire de Dombes, II, p. 432).

, salut. Oÿe la supplicacion de nostre amé escuier Jehan Rosset contenant que nostre tres cher et amé cousin messire Edouart seigneur de Beaujeu, nostre predecesseur, que Dieux absoille, prinst de la maison fort d'Albin certaine quantité de perre laquelle feist mener et convertir en la repparacion du chastel de Montmerle, lequel Albin appartient audit Jehan Rosset, dont il n'eust onques aucune recompensacion, nous, voulans paciffier les clains et laisses de feu nostredit predecesseur, avons accordé paier audit Jehan pour ladicte cause vint livres tournois, lesquels vous mandons que vous les paiés et satiffaictes audit Jehan, car parmi raportant ces presentes et quictance dudit Jehan, ladicte somme de vint livres tornois vous sera comptee et alloué en voz comptes et rabatue de vostre recepte par noz amez et fealx gens de noz comptes en Beaujeuloiz auxquelx mandons par ces presentes qu'il les vous comptent et allouent en voz comptes et rebattent de vostre recepte sanz contredit en raportant ces presentes et quictance dudit Jehan. Donné a Roanne, le XXIIe jour de may, l'an mil quatre cens et six.