1405 (n. st.), 11 janvierNS

Louis, duc de Bourbonnais etc., autorise François d'Aubercicourt à asseoir le douaire de sa femme Jeanne de Revel sur le château, châtellenies et terres de Rochefort et de Genzat, qu'il lui a données, pour qu'elle puisse en jouir sa vie durant seulement si son mari venait à mourir sans enfants issus de leur mariage.

Loÿs, duc de Bourbonnoys, conte de Fourez et seigneur de Beaujeu, per et chamberier de France. Savoir faisons a tous presens et avenir que, comme par noz autres lettres et pour les causes contenues en icelles nous avons donné, cedé, quicté et transporté a nostre amé et feal cousin messire François d'Aubichcourt

Membre d'une famille originaire d'Artois, François d'Aubercicourt est chambellan de Louis II. Il apparaît à plusieurs reprises dans ses osts, et il participe à la croisade de Barbarie en 1390 avec le duc, puis accompagne Boucicaut en Orient en 1399 (C. Bozzolo, H. Loyau, La cour amoureuse dite de Charles VI, I, n°202, p. 139). Appelé "cousin" par Louis II, il épouse en 1401 Jeanne Flote, dame de Revel, en Auvergne. À cette occasion, le duc de Bourbon lui donne les châtellenies de Rochefort et de Genzat en Bourbonnais (P. Tiersonnier, Rochefort, châtellenie bourbonnaise, p. 334-365). Un des treize chevaliers de l'ordre de la Dame Blanche à l'Écu vert de Boucicaut, il faisait aussi partie de la Cour amoureuse (C. Bozzolo, H. Loyau, La cour amoureuse dite de Charles VI, I, n°202, p. 139). Il est l'auteur d'une réponse des Cent Ballades(D. Poirion, Le poète et le prince, p. 152). Il a également été chambellan du roi et familier de Louis d'Orléans (É. Gonzalez, Un prince en son Hôtel, p. 51). À la fin du principat de Louis II, Pierre de Nourry le désigne avec l'Hermite de la Faye et Jean de Châteaumorand pour faire un état des finances ducales (Chronique du bon duc, p. 278).

perpetuelment et heritablement le chastel et chastellenies, terres, drois et appartenances de Rochefort et de Genzat en nostre païs de Bourbonnois par la forme et maniere plus a plain contenues esdictes lettres, nous, volans que nostre bien amee dame Jehanne de Ravel, femme de nostredit cousin, soit et puist estre participant et joïssant des donacion et transport dessus dis par nous fais a nostredit cousin son mary, pour faveur et amour que nous avons a nostredit cousin qui est de nostre parenté et lignage et a elle aussi, et pour consideracion des grans et agreables services que nostredit cousin nous a fais ou temps passé, fait continuelment chascun jour et esperons que encores face ou temps avenir, a icellui nostre cousin, de nostre certaine science et grace especial, avons octroyé, donné, consenti et accordé, et par ces presentes octroyons, donnons, consentons et accordons licence, povoir et auctorité qu'il puist et lui loist donner, bailler et delaisser en douaire a ladicte dame Jehanne de Ravel, sa femme, lesdis chastel, chastellenie et appartenances de Rochefort

Rochefort : Allier, ar. Vichy, c. Gannat, com. Saint-Bonnet-de-Rochefort

et de Genzat

Aujourd'hui Jenzat : Allier, ar. Vichy, c. Gannat.

, a les tenir, avoir et possider par ladicte dame Jehanne, pour et a cause de douaire et comme douairiere par les cours de sa vie tant seulement aprés le decés de nostredit cousin son mary, supposé que ilz n'eussent enfans de leurdit mariaige ; et encores d'abundant donnons a nostredite cousine lesdictes chouses pour en joïr et user entierement et les tenir et avoir aprés le decés de sondit mary durant le cours de sa vie seulement, supposé qu'il n'y ait aucuns enfans dudit mariaige comme dit est ; et avecque ce donnons povoir et auctorité a nostredit cousin de passer, accorder et octroyer pour et au prouffit de ladicte dame Jehanne telles et si bonnes lettres de donacion de douaire des chouses dessus dictes que faire se porront par conseil de saiges, lesquelles chouses nous promectons garantir, garder et acomplir et non venir contre en aucune maniere. Si donnons en mandement par ces presentes a noz amés er feaulx gens de noz comptes, bailli, tresorier et procureur de Bourbonnois et a tous noz autres justiciers et officiers presens et qui pour le temps avenir seront ou a leurs lieutenants et a chascun d'eulx si comme a lui appartiendra que nostredit cousin et ladicte dame Jehanne sa femme et chascun d'eulx, de nostre presente grace et du contenu en ces noz presentes faissent, laissent et seuffrent joïr et user paisiblement sans les molester ou empescher, ne souffrir estre molestés ou empeschiés en aucune maniere au contraire. En tesmoings de ce, nous avons fait mectre nostre grant scel a ces presentes. Donné en nostre chastel de Molins, le XIe jour de janvier, l'an de grace mil quatre cens et quatre.