1390, 22 avrilMontbrison

Louis, duc de Bourbonnais etc., établit comme châtelain et capitaine de Souternon Guillaume Rajace, clerc des comptes à Montbrison, pour le récompenser d'avoir délaissé la vigerie dudit Souternon, baillée à un autre officier, et parce qu'il doit résider continûment à Montbrison à cause de son office de clerc des comptes.

Loÿs, duc de Bourbonnois, conte de Clermont et de Foreiz, seigneur de Combraille, per et chambarier de France, a tous ceulx qui ces presentes verront, ‹salut›. Savoir faisons que nous, pour le bon rapport qui nous a esté fais par les gens de nostre conseil du sens, loyaulté et bonne diligence de nostre amé clerc de la chambre de nous comptes a Montbrison Guillaume Rajace

Guillaume Rajace a été nommé clerc des comptes de Montbrison le 21 avril 1395 (Paris, Bibliothèque nationale de France, lat. 10034, fol. 102), et il le reste jusqu'en juin 1413 au moins (Archives départementales Loire, B 1958, fol. 77). Il est ensuite promu conseiller à la Chambre de Montbrison : cité le 15 mai 1416, il l'est encore en mars 1418 (ibid., B 1837, fol. 93 et 96v). Durant son passage à la Chambre des comptes, il est l'un des clercs les plus actifs (O. Mattéoni, Servir le prince, p. 213).

, ycellui avons fait, ordenné et establi, faisons, ordenons et establissons nostre chastellain et capitaine de nostre chastel et chastellenie de Sautrenon

Souternon : Loire, ar. Roanne, c. Saint-Germain-Laval.

en recompensacion de la vigerie d'icelle, laquelle nous avons baillié a un autre, pour ce qu'il lui convient faire continuable residence en nostredicte chambre aux gaiges, proffis et esmolumens acoustumés tant come il vous plaira, et lui donnons plain povoir, auctorité et mandement especial de regir et gouverner lesdits offices de chastellenie et capitanerie, faire, agir et excercer toute et singulieres autres chouses quelconques que audits offices et a tous bon et loyal chastellain et capitaine puent et doivent appartenir. Si donnons en mandement par la teneur de ces lectres a nostre bailli de Foreiz que, receu le serement de nostredit chastellain et capitaine acoustumé en tel cas et registré en la chambre de nousdis comptes, ycellui mectre ou mande estre mis en possession desdits offices ‹de› chastellain et capitaine en debotant tout autre detenteur et le face joïr et user de ses gaiges et autres drois acoustumés. Et nous volons et commandons audit nostre chastellain et capitaine estre ober et entendu diligemment es chouses et appartenances audis offices par tous nous justiciers, officiers et subgets dudit lieu, mandement et ressors. Donné en nostre ville de Montbrison, souz nostre seel secret, le XXII jour du moys d'avril, l'an ‹de› grace mil CCC IIIIXX et dix.