1389, 10 juilletParis

Louis, duc de Bourbonnais etc., donne à Renaud de Roye, son amé et féal chevalier et chambellan, pour les services rendus et qu'il continue d'accomplir tous les jours pour lui, ainsi qu'à sa femme, Isabelle de Ferrières, les château, ville et châtellenie de Milly, au comté de Beauvaisis, avec tous les droits qui y sont attachés, leur vie durant.

Transcription d'après B.

Loÿs, duc de Bourbonnois, conte de Clermont et de Fourez, per et chamberier de France. Savoir faisons a touz presens et a venir que nous, considerans les grans et notables services que nostre amé et feal chevalier et chambellan messire Regnault de Roye nous a faiz ou temps passé et fait chascun jour continuelment et esperons qu'il nous face ou temps a venir, a ycellui messire Regnault, a dame Ysabel de Ferieres

Ferreres dans C.

, sa femme, avons donné et donnons par ces presentes a leur vie et au seurvivant de eulx d'eux seulement noz chastel, ville et chastellenie de Milly

Milly-sur-Thérain : Oise, ar. et c. Beauvais.

, en nostre conté de Clermont en Beauvoisin

Clermont-en-Beauvaisis : Oise, ch.-l. ar.

, avecques les rentes, revenues, juridicion, justice et autres appartenances quelconques a ycellui chastel et chastellenie. Si donnons en mandement a nostre bailli ou garde de nostre bailliage de Clermont que, a nostredit chevalier et chambellan et a sadicte femme, il baille et delivre ou face baillier et delivrer royalment et de fait la possession desdiz chastel et chastellenie, et desdictes rentes, revenues, justice et juridicion audit lieu appartenant face et sueffre joïr et user les dessus diz nostre chevalier et sa femme leur vie durant comme dit est, et par noz hommes et subgiez d'iceulx chastel, ville et chastellenie obeïr comme a nous, sanz contredit, non obstant quelconques constitucions et ordenances faictes sur le fait de nostre demaine au contraire. En tesmoing de ce, nous avons fait mectre nostre seel a ces presentes. Donné a Paris, le Xme jour du moys de juillet, l'an mil trois cens quatre vins et neuf.