1380, 26 marsParis

Louis, duc de Bourbonnais etc., ordonne et établit Pierre Vernin, licencié en lois, chanoine de Chartres, juge ordinaire du comté de Forez.

Loÿs, duc de Bourbonnois, conte de Clermont et de Fourois, per et chambarer de France, a touz ceuls qui cez presentes lettres verront, salut. Savoir faisons que nous, confians a plain du sens, loyauté et bonne diligence de notre amé maistre Pierre Vernin

Pierre Vernin entre en fonction le 21 mai 1380, et reste en place jusqu'au 15 février 1411, date à laquelle il est remplacé par Denis Puy (Archives départementales Loire, B 1944, fol. 13v).

, licencié en loys, chanoine de Chartres, ycellui maistre Pierre avons fait, ordené et establi, faisons, ordenons et establissons par ces presentes juge ordinaire de notredite conté de Fourois et ressors d'icelle, aux profis, guaiges et esmolumens acoustumés appartenant audit office, tant comme il nous plaira. Si donnons en mandement a touz noz justicers, officiers et subgés de notredite conté, prions et requerons touz autres a qui il appartendra que audit maistre Pierre, en faisant et exercent dehuement sondit office de jugerie et les despendances d'icellui comme a notre juge de notredicte conté de Fourois obeÿssent et entendent diligement et luy prestent conseil, confort et ayde se mestier en a et il les en requiert. Donné a Paris, soubz notre seel, le XXVIe jour de mars, l'an de grace mil CCC quatre vins aprés Pasques.