Transcription d'après
B.
Loÿs, duc de Bourbonnois, conte de Clermont et de Foroiz, per et chambrier de France, a touz ceulx qui ces presentes lettres verront, salut. Savoir faisons que nous, confianz a plain du cenz, loyauté et bonne diligence de notre amé et feal escuier Henry de ChabeuesUn nouveau châtelain (Étienne d'Entraigues) est attesté en 1383 (É. Fournial, Les mémoriaux de la Chambre des comptes de Forez, p. 82).
, ycellui avons fait, ordené et establi et, par la teneur de ces presentes, faisons, ordenons et establissons chastellain et chapitain de la Tour en JaroyzLa Tour-en-Jarez : Loire, ar. Saint-Étienne, c. Sorbiers.
et du FayLe Fay : Loire, ar. et c. Saint-Étienne, com. Saint-Jean-Bonnefonds.
, aux gaiges accoustumez tieulx que les avoit et prenoit Salamar, nagaires chastellain et capitain desdiz lieux, et aux autres droiz, proffiz et emolumens accoustumez appartenant auxdiz offices tant comme il nous plaira. Et lui avons donné et donnons plain povoir et mandement especial de fere et excercer toutes et singulieres choses appartenant audiz offices de capitain et chastellain et que bon et loyal capitain et chastellain puet et doit fere. Si mandons et commettons se mestier est aux bailli et tresorier de Foroys presens, avenir, et a chascun d'eulx si comme a lui appartendra que les gaiges appartenant audiz offices il facent paier chascun an audit Henry tant comme il tiendra yceulx office par ceulx a qui il appartiendra par la maniere accoustumee. Mandons et commandons a touz noz justiciers et subgez, requerons touz autres que audit Henry comme capitain et chastellain desdiz lieux obeïssent et entendent diligement en tout ce que esdiz offices appartendra, puet et doit appartenir, et lui donnent conseil, confort et aide se mestier en a et par lui en soient requis. En tesmoing de ce, nous avons fait ‹mettre› nostre seel a ces presentes lettres fectes et donnees en nostre ville de SovignySouvigny : Allier, ar. Moulins, ch.-l. c.
, le IIIe jour de octobre, l'an de grace mil CCC LXXVIII.