1377, 13 aoûtClermont-Ferrand

Jean, fils de roi de France, duc de Berry et d'Auvergne etc., et Louis, duc de Bourbonnais etc., s'accordent au sujet du ressort de plusieurs lieux contestés à la suite de la donation de la prévôté de Vichy (dont avait été exclu le ressort des châteaux de Châtel-Montagne, Saint-Germain-des-Fossés, Abrest, Varennes-sur-Allier, Bussset et Puyagu) faite par le duc de Berry au duc de Bourbonnais, dont le procureur soutenait que les ressorts de Villers, Montbardon, Vialle et Luzillat entraient dans la donation. Le duc de Bourbonnais abandonne au duc de Berry tous les droits qu'il peut avoir sur Cresneuil, Saint-Clément-de-Régnat, Saint-Denis[-Combarnazat],Clémentel, Saint-Priest, La Poivrière, Limons, des deux côtés du Buron, Montbardon, Luzillat, Vialle, Demolles, Vendègre, Mons, Puy-Guillaume, l'association avec l'abbaye de Montpeyroux, Rilhat, la Maison Briquadel, et les autres lieux du ressort de Montpensier ainsi que le ressort du château de Randan, et reçoit en échange tous les droits que le duc de Berry a sur les châteaux et châtellenies de Châtel-Montagne, Saint-Germain-des-Fossés, Abrest et sur le péage de Varennes-sur-Allier, biens pour lesquels il prête foi et hommage comme il l'avait fait autrefois pour le reste de la prévôté de Vichy.

Jehan, filz de roy de France, duc de Berry et d'Auvergne, conte de Poitou, et Loÿs, duc de Bourbonnois, conte de Clermont et de Fourois, per et chamberier de France, a tous ceulx qui ces presentes lettres verront, salut. Savoir faisons que, comme nous, duc de Berry, ja pieça eussions donné et transporté a nostre tres chier et tres amé cousin le duc de Bourbonnois dessus nommé et a ses hoirs descendens de son corps de droicte ligne la prevosté de Vichi en certaines manieres et condicions contennues et desclarees es lettres dudit don et transport sur ce fait, reservé a nous et retenu en ycellui transport les fiez, noblesses, souverainetés et ressors des chastiaulx et chastellenies de Chastel de Montaigne

Châtel-Montagne : Allier, ar. Vichy, c. Mayet-de-Montagne.

, de Saint Germain des Foussés

Saint-Germain-des-Fossés : Allier, ar. et c. Vichy.

, d'Abret

Abrest : Allier, ar. Vichy, c. Cusset-Sud.

, de Busset

Busset : Allier, ar. Vichy, c. Lapalisse.

et de Puyagu

Auj. Piégut : Allier, ar. Vichy, c. Lapalisse, c. com. Busset (Allier, cant. Cusset-Sud) : château disparu (R. Germain (dir), Châteaux, fiefs, mottes et maisons fortes en Bourbonnais, p. 469).

, de leurs territoires et appartenances, si comme esdictes lettres dudit transport plus a plain est contenu, et il soit ainsi que a present question et debat feussent entre le procureur de nous, duc de Berry, d'une part, et le procureur de nous, duc de Bourbonnois, d'autre part, sur et de ce, entre les autres choses, que ledit procureur de Bourbonnois disoit les souverainetés et ressors de Villers

Villers : non identifié.

, de Montbardon, de Ville

Vialle : Puy-de-Dôme, ar. Riom, c. Maringues, comm. Luzillat.

, de Luzillac

Luzillat : Puy-de-Dôme, ar. Riom, c. Maringues.

estre et avoir esté de ladicte prevosté de Vichi et yceulx lieux appartenir a nous, duc de Bourbonnois, a cause de ladicte donacion et transport, ledit procureur d'Auvergne disoit et maintenoit yceulx lieux estre et avoir esté de tous jours de la prevosté de Rion, pour quoy ne povoyent estre compris oudit don et transport, ainçois appartenoyent a nous, duc de Berry, a cause de ladicte prevosté de Rion, au jour d'uy pour bien de paix et pour tous jours garder et maintenir entre nous amour et transquilité et pour eschever pluseurs debas et discors qui pour ce et pour autres choses dont debat estoit ja meuz ou esperés a mouvoir s'en pourroient ensuir ou temps a venir, a esté transigé, traictié et accordé entre nous, dus de Berry et de Bourbonnois dessus nommés, en la maniere qui s'ensuit : c'est assavoir que les fiez, riere fiez, dommaines, souverainetés et ressors que nous, duc de Bourbonnois, avons et povons avoir es lieux et villes de Cresseneule

Cresneuil : Puy-de-Dôme, ar. Riom, c. Randan, comm. Saint-Clément-de-Régnat.

, de Saint Climent de Rignac

Saint-Clément-de-Régnat : Puy-de-Dôme, ar. Riom, c. Randan.

soubz Saint Climent d'Ercohat, de Saint Doinin

Anciennement Saint-Dournin (Sanctus Dompninus), auj. Saint-Denis-Combarnazat : Puy-de-Dôme, ar. Riom, c. Randan.

, de Clamentelle

Clémentel : Puy-de-Dôme, ar. Riom, c. Randan, com. Saint-Clément-de-Régnat.

, de Saint Priet

Saint-Priest-Bramefant : Puy-de-Dôme, ar. Riom, c. Randan.

, de La Proiviere

La Poivrière : Puy-de-Dôme, ar. Riom, c. Randan, com. Saint-Silvestre-Pragoulin.

, de Limons

Limons : Puy-de-Dôme, ar. Riom, c. Maringues.

, deça et dela la riviere de Burom

Buron, affluent de l'Allier, qui passe à proximité de Saint-Clément-de-Régnat et Mons.

, les forteresses et terres de Montbardon

Montbardon, ancienne seigneurie :Puy-de-Dôme, ar. Riom, c. Randan, com. Saint-Denis-Combarnazat.

et de Luzillac, les terres de Ville, de Demole

Demolles : Puy-de-Dôme, ar. Riom, c. Maringues, com. Luzillat.

, de Vendegre

Vendègre : Puy-de-Dôme, ar. Riom, c. Maringues, com. Luzillat.

, du Puyet

Le Puyet : non identifié.

, de Mons

Mons : Puy-de-Dôme, ar. Riom, c. Randan.

et de Puy Guillaume

Puy-Guillaume : Puy-de-Dôme, ar. Thiers, c. Châteldon.

, avecques toute l'asçociacion de l'abbé de Montperoux

Montpeyroux : Puy-de-Dôme, ar. Thiers, c. Châteldon, com. Puy-Guillaume.

, et soixante et treze solz, quarton froment, quarton avoine et une geline assis a Mons, et en oultre le mas et vilage de Rignac pres de Espinace

Rilhat : Allier, ar. Vichy, c. Escurolles, com. Cognat-Lyonne.

, la Maison Briquadel, avecques leurs appartenances, et avec ce tous

et avec ce tous écrit sur un grattage dans un module plus serré.

les autres lieux et terres qui sont et doivent estre du fié ou riere fié, souveraineté ou ressors de Montpenser

Montpensier : Puy-de-Dôme, ar. Riom, c. Aigueperse.

qui sont et pevent estre compris en ladicte donacion et transport ; item et le fié, souveraineté et ressort du chastel et chastellenie de Randans

Randan : Puy-de-Dôme, ar. Riom, ch.-l. c.

, de ses fiez, riere fiez, droiz et appartennances quelzconques sont, seront et demourront audit monseigneur le duc de Berry et a ses hoirs quiteement avecques tous leurs droiz et appartennances quelconques. Et en recompensacion des choses dessusdictes nous, duc de Berry dessus nommé, avons baillié et transporté, baillons et transportons par la teneur de ces presentes a nostredit cousin et a ses hoirs descendans de son corps de droicte ligne les fiez et riere fiez, noblesses, souverainetés et ressors que nous avons et povons avoir es chasteaulx et chastellenies de Chastel de Montaigne, de Saint Germain des Foussés et d'Abret, de leurs drois membres et appartennances quelzconques, item et tout le droit que nous avons et povons avoir ou paage de Varennes sur Alier

Varennes-sur-Allier : Allier, ar. Vichy, c. Saint-Pourçain-sur-Sioule.

, a tenir et posseder par nostredit cousin et sesdis hoirs en la forme, maniere et condicion que il tient les autres choses contennues et desclarees esdictes lettres dudit don et transport ja pieça par nous fait audit duc de Bourbonnois nostre cousin. Desquelles choses ainsi baillees et transportees a nous, duc de Bourbonnois, par ledit monseigneur de Berry nous li en avons fait au jour d'ui foy et homage en la forme, maniere et condicion que fait l'avons autrefois du demourant de ladicte prevosté de Vichi et des autres choses contennues et desclarees es lettres dudit don et transport. Lesquelz transactions, traictié et accort nous, ducs de Berry et de Bourbonnois dessus nommés, pour nous et noz hoirs avons voulu et octroyé, voulons et octroyons par la teneur de ces presentes lettres et promettons en bonne foy par nous, noz hoirs et successeurs de non venir encontre. Et nous, duc de Berry dessus nommé, mandons et commandons a tous les feaulx hommes et subgés des chasteaulx, villes et terres de Chastel de Montaigne, Saint Germain et d'Abret par nous ainsi baillees et transportees a nostredit cousin et a un chascun par soy, en tant comme il li touche et puest appartenir, que ilz facent foy, homage et obeïssance a nostredit cousin et a sesdis hoirs par la forme et maniere que ilz faisoient et estoient tenus de faire a nous par avant cest premier traictié et accort, car desdictes foys et homages nous quittons eulx et leurs hoirs par la teneur de ces presentes. Et samblablement nous, duc de Bourbonnois dessus nommé, mandons et commandons a tous les feaulx hommes et subgés des chastiaulx, villes et terres de Rendans, de Montbardon, de Luzillac, de Mons, de Limons et des autres villes et terres par nous ainsi baillees et transportees audit monseigneur le duc de Berry et ses hoirs que audit monseigneur le duc de Berry et a sesdis hoirs ilz en facent foy et homage par la forme et maniere que ilz faisoient et estoient tenus de faire a nous par avant cest present traictié et acort, car desdictes foys et homages nous quittons eulx et leurs hoirs par la teneur de ces presentes. En tesmoing de ce, nous avons fait mettre nos seaulz a ces presentes lettres. Donné a Clermont en Auvergne, le XIIIe jour d'aoust, l'an de grace mil CCC soixante et dix et sept.