1441, 15 maiSaint-Galmier

Charles, duc de Bourbonnais et d'Auvergne, etc., notifie aux gens de ses comptes en Forez qu'il a reçu l'hommage d'Amé d'Espaignon (Aimé l'Espaignol selon B) pour tout ce que celui-ci tient de lui en fief au comté de Forez.

Texte établi d'après A.

Charles, duc de Bourbonnois et d'Auvergne, conte de Clermont et de Fourez, seigneur de Beaujeu et de Chasteau Chinon, per et chamberier de France, a noz amez et feaulx gens de noz comptes, bailli de Fourez et a tous noz autres justiciers et officiers, ou a leurs lieuxtenans, salut. Savoir vous faisons que aujourd'uy nostre bien amé escuïer

Escuïer suivi d'une rature.

Amey d'Espaignon nous a fait les foy et hommaige qu'il nous estoit tenu de faire de tout ce qu'il tient et peut tenir en fief de nous en nostredit païz et conté de Fourez et ressort d'icelluy, et nous a juré et promis de tenir et acomplir toutes les choses contenues es chapitres de fidelité vielz et nouveaulx, ausquelx foy et hommaige nous ledit Amey d'Espaignon avons receu, sauf nostre droit et l'autruy. Si vous mandons, et a chascun de vous, si comme a luy appartiendra, que ledit Amez d'Espaignon, a cause desdiz foy et hommaige nou faiz, vous ne molestez ou empeschez, ne souffrez estre molesté ne empeschié en aucune maniere, maiz se les choses dessusdictes ou aucune d'icelles estoient pour ce prises, saisies ou empeschees, les luy mectés ou fetes mectre ces lettres veues a plaine delivrance, pourveu qu'il rendra et baillera sa nommee et denombrement des choses dessusdictes dedans quarante jours prouchain venans en ladite chambre de nosdits comptes. Donné en nostre ville de Saint Galmier, soubz nostre seel de secret en l'absence du grant, le XVeme jour de may, l'an de grace mil IIIIC quarante et ung.