1405, 11 juinNS

Louis, duc de Bourbonnais etc., nomme Jean Rochette prévôt et receveur de Châteauneuf à la place de Aquarie Raynaut, désormais prévôt et concierge du château de Cleppé, lequel a été déchargé de la fonction en raison de ses trop grandes occupations.

Loÿs, duc de Bourbonnois, conte de Forez, baron et seigneur de Beaujeulois, per et chamberier de France, a tous ceulx qui ces presentes lettres verront, salut. Savoir faisons que, pour le bon rapport et tesmongnage qui fait nous a esté de la personne de Jehan Rochecte, confians a plain de son sens, loyaulté et bonne dilligence, icellui avons fait, ordonné, constitué et establi, faisons, ordonnons, constituons et establissons par ces presentes prevost de Chasteauneuf

Châtelneuf : Loire, ar. Montbrison, c. Saint-Georges-en-Couzan.

et receveur des deniers, cens, rentes, grains et autres redevances a nous deubz a cause de ladicte prevosté et des appartenences et despendences d'icelle prevosté tant comme il nous plaira, pour et en lieu de Zacarie Regnault

Notaire juré de la cour de Forez, Aquarie Raynaut a été prévôt de Marcilly (cité le 12 août 1382, il ne l'est plus en décembre 1389 : BnF, lat. 10034, fol. 112v et 92v). Il n'est plus prévôt de Saint-Bonnet le 25 septembre 1398 (nouveau prévôt cité en la personne de Jean Paulet : Archives départementales Loire, B 2005, fol. 11). Il est ensuite nommé prévôt de Châteauneuf à une date que l'on ne connaît pas ; il reste en charge jusqu'au 11 juin 1405 (ibid., fol. 25). Le 4 juin 1405, il est créé prévôt de Cleppé, en même temps que concierge du château comtal du lieu (ibid., fol. 26 ; dernière mention le 23 mai 1411 : ibid., B 1958, fol. 63 ). Il exerce ensuite comme "faiseur des garnisons" de Forez et comme maître de l'hôpital de Montbrison (1421 au moins ; il l'est encore en 1428 : ibid., B 2005, fol. 26 ; B 1958, fol. 63 ; B 1950, fol. 120 ; Paris, Archives nationales, P 1402/3, n°1343, 1366 et 1378 ; É. Perroy, "L'Hôtel-Dieu de Montbrison aux xiiie et xive siècles", p. 117). Il est nommé maître des étangs du comté de Forez le 26 décembre 1427 (Archives départementales Loire, B 1950, fol. 139).

, a present prevost et concierge de nostre chastel de Cleppé

Cleppé : Loire, ar. Montbrison, c. Feurs.

, lequel, tant pour l'occuppacion d'iceulx offices de Cleppé comme pour certaines et justes causes qui a ce nous ont meu et meuvent, nous en avons deschargé et deschargons par ces presentes, a telz et semblables gaiges que avoit et prenoit ledit Zacarie et aux drois, prouffis et esmolumens acoustumés prendre oudit office, auquel Jehan Rochecte nous avons donné et donnons par ces presentes plain povoir, auctorité et mandement especial de recevoir et lever tous lesdiz deniers, cens, rentes et autres revenus a nous dehues a cause de ladicte prevosté comme dit est. Mandons et commandons a tous lez justiciers, officiers et subgiez de nostredicte conté de Forez, prions et requerons tous autres que, en faisant et excerçant ledit office, a lui obeïssent et entendent diligement, et lui prestent conseil, confort et aide se mestier en a et par lui en sont requis. Mandons aussy a noz amés et feaulx gens de noz comptes en Forez et tresorier audit païs que, premierement et avant toute euvre receu dudit Jehan le serement acoustumé de fere en tel cas et causcion souffisante, ilz le mectent et instituent ou facent mectre et instituer en possession et saysine dudit office, en deboutant ledit Zacarie et tous autres qui dudit office se vouldroient entremectre, et des drois, prouffis et esmolumens dessus diz le fectes et seuffres joïr et user sans en donner aucun empeschement, en lui allouant et rabbatant de sa recepte les gaiges ordinaires acoustumés de prendre a cause de ladicte prevosté. En tesmoing de ce, nous avons fait mectre nostre seel a ces presentes fectes et donnees le XIe jour de juing, l'an de grace mil CCCC et cinq.