1397 (n. st.), 19 avrilNS

Louis, duc de Bourbonnais, etc., remet à Stevenin Tassin, paroissien de Besson, 20 sols tournois sur les 40 sols auxquels il avait été condamné, et ce pour renonciation à faire appel de la décision du châtelain de Bessay et Pougny.

Loÿs, duc de Bourbonnois, comte de Clermont et de Fourez, pair et chambarier de France, a nostre tresourier de Bourbonnois, salut. Comme Stevenin Tassin, parrochain de Besson

Besson : Allier, ar. Moulins, c. Souvigny.

, se die a nous estre tenus en la somme de quarante solz tournois pour ce qu'il avoit appellé de nostre chastellain de Beçay

Bessay-sur-Allier : Allier, ar. et c. Moulins.

et de Pogny

Pougny : Allier, ar. Moulins, c. Dompierre-sur-Besbre, com. Thiel-sur-Acolin.

ou de son lieutenant au siege de Chimilly

Chemilly : Allier, ar. Moulins, c. Souvigny.

, et depuis renuncia a son dit appel, nous d'icelle somme lui avons donné, remis et quitté vint solz en paient presentement autres vint solz tournois. Si vous mandons que le dit Tassin d'iceulx quarante solz en poient presentement la moité, c'est assavoir vint solz, tiegnez quitte et pasible, quar parmi rapportant cez presentes, nous mandons a noz amés et feaux gens de noz comptes que la dicte somme de XX solz alouent es comptes du dit tresourier. Donné soubz nostre seel le XIXe jour d'avril l'an mil IIIIXX et seze avant Pasques, proveu qu'il ait paié l'emende fecte par devant le chastellain montent a VII sloz. Donné comme dessus.