1379 (n. st.), 24 marsNS

Louis, duc de Bourbonnais etc., nomme Denis de Beaumont, écuyer, garde du bailliage de Forez.

Loÿs, duc de Bourbonnois, conte de Clermont et de Forez, per et chambrier de France, a touz ceulx qui ces presentes lettres verront, salut. Savoir faisons que nous, confianz a plain du senz, loyauté et bone diligence de nostre amé et feal escuier Denys de Beaumont

Dernière mention de Denis de Beaumont comme bailli de Forez le 14 avril 1407 (Archives départementales Loire, B 2003, fol. 123).

, ycellui avons ordené et establi garde de nostre bailliage de nostre conté de Forez tant qu'il nous plaira, aux gaiges que par nous en nostre conseil lui seront ordenez, et lui avons donné et donnons peoir de congnoistre de toutes causes et faire toutes choses comme garde dudit bailliage que a d'icellui puent et doyvent appartenir et que le bailli feroit et faire porroit se present estoit. Si donnons en mandement a touz noz justiciers, officiers et subgez de nostredicte conté que audit Denys, comme a garde dudit bailliage, en tout ce que audit office appartient obeïssent diligement et entendent. En tesmoing de ce, nous avons fait mettre nostre seel a ces lettres qui furent faictes et donnees le XXIIII jour de mars, l'an de grace mil CCC LXXVIII.