1373, 17 décembreMoulins

Louis, duc de Bourbonnais etc., ordonne une imposition de trois gros par feu sur les habitants de Coulandon, Marigny, Saint-Menoux, Autry(-Issard), Meillers, Noyant, Cressanges, Besson et Souvigny pour contribuer à la réparation des fortifications de Souvigny et compenser les dépenses faites par les hommes d'armes du duc et ceux du duc de Bourgogne, qui étaient passés à Souvigny en même temps que les Anglais.

Loÿs, duc de Bourbonnois, comte de Clermont et de Fourroys, per et chambarier de France, a nostre bailli de Bourbonnois, salut. Nous avons recehu la suplicacion des bourgeois et habitenz de nostre ville de Souvigni, contenant en substance que ja pieça il ont comancé a fortifier ladicte ville de Souvigni de toutes repparacions a ycelle necessaires, et pour especial darenement y ont fait et fortiffié ung pan de mur tout neuf, qui a esté de granz fraiz, et encore y a ung autre pan a refere, qui sera de tres granz missions et despens, lequel il ne pouhent refere de eulx sans nostre aide et confort, consideré ce que il ont despendu et fraié du leur en ladicte reparacion la valeur de VIC frans ou anvoyron, et aussy ce que lesdiz bourgeois et habitenz ont esté en ladicte ville, en la compagnie monseigneur le duc de Bourgoigne et en la nostre, pour le temps que les enemis du royaume sont darrenement passé par nostre païs, et nous ont requis que, affin que il puissent ladicte ville fortifier et metre en sehurté en maniere qu'elle puisse estre tenue en cas de peril contre la poissance desdiz enemis et que nostre païs d'anvoyron circonvoisin n'en puisse encoure aucun domage, que nous leur vousissons octroier une aide sur les habitenz es parroches de Souvigni, fors ladicte ville, de Coulandon

Coulandon : Allier, ar. et c. Moulins.

, de Marigni

Marigni : Allier, ar. Moulins, c. Souvigny.

, de Saint Menoux

Saint-Menoux : Allier, ar. Moulins, c. Souvigny.

, de Auterre

Autry-Issard : Allier, ar. Moulins, c. Souvigny.

, de Meilhers

Meillers : Allier, ar. Moulins, c. Souvigny.

, de Noyant

Noyant-d'Allier : Allier, ar. Moulins, c. Souvigny.

, de Cressanges

Cressanges : Allier, ar. Moulins, c. Le Montet.

et de Besson

Besson : Allier, ar. Moulins, c. Souvigny.

, circonvoisins a ladicte ville, de troys gros par feu, affin de convertir a ladicte ville desemparer. Pour quoy nous, oïe leur suplicacion et requeste, heu consideracion aus choses dessus dictes, vous mandons et comettons que vous faciez appeler par devant vous touz les habitenz es parroches dessus desclairees et touz ceulz qu'ils vous semblera estre expedient a contribuer a la repparacion de ladicte ville, faictes contraindre et compeller a y contribuer chascun feu par la somme de troys gros evalué le fort au feble ou au desoubz, selon ce que vous verrez que lesdiz habitenz le pourront soustenir, un chascun selon sa faculté, pour convertir a la repparacion de ladicte ville, non obstant qu'il soient d'autres chastellenies que de celle de Souveigni

Souvigny : Allier, ar. Moulins, ch.-l. c.

, et y ordenez receveur a ladicte finence recevoir et ycelle despendre es ovrages de ladicte reparacion et qui en sache rendre compte soffisant quant requis en sera, par devant nos genz et officiers, de faire les choses dessus dictes et chascune d'ycelles nous vous donnons plain poulvoir et mandement especial, mandons et comandons a tous nos subgez, requerons touz autres que en fesent les choses dessus dictes, a vous et a vos deputez obeïssent et entendent diligenment. Donné en nostre ville de Molins, le XVIIe jour de decembre, l'an de grace mil trois cenz sexante et treze.