Quittance de Charles, duc de Bourbonnais et d'Auvergne, etc., à Martin Roux, receveur de la portion du haut pays d'Auvergne d'une aide de deux cent mille francs tournois, de la somme de 375 l. t., partie de la somme totale de mille cinq cent livres tournois octroyée par les nobles et gens d'église des états du haut et bas pays d'Auvergne.
Quittance de Charles, duc de Bourbonnais et d'Auvergne, etc., à Martin Roux, receveur de la portion du haut pays d'Auvergne d'une aide de deux cent mille francs tournois, de la somme de 375 l. t., partie de la somme totale de mille cinq cent livres tournois octroyée par les nobles et gens d'église des états du haut et bas pays d'Auvergne.
Charles, duc de Bourbonnois et d'Auvergne, comte de Clermont et de Forez, seigneur de Beaujeu et de Chastel Chinon, per et chamberier de France, confessons avoir eu et receu de Martin Roux, receveur ou hault païs d'Auvergne de la porcion de l'aide de IIC M f. t. mise sus pour monseigneur le roy en ses païs de langue d'oil pour l'entretenement de ses affaires durant ceste presente annee, la somme de trois cens soixante quinze livres tournois pour la quarte partie de quinze cens livres tournois a nous donnez et octroyez par les gens d'eglise et nobles dudit hault et bas païs a l'assemblee des trois estaz d'iceulx païs fete a Montferrand ou mois de janvier derrnier passé en faisant l'octroy de la porcion dudit aide, et icelle somme ait esté ordonnee audit receveur a nous estre paiee, baillee et delivree des deniers de sa recepte mis sus oultre et par dessus le principal dudit aide pour les causes plus a plain contenues et declairees es instrucions et ordonnances faictes sur le fait dudit aide, de laquelle somme de IIIC LXXV l. t. nous sommes contans et biens paiez, et en avons quitté et quittons ledit Martin Roux, receveur, et tous autres. Donné en nostre ville de Molins, soubz nostre seel de secret, le premier jour de septembre, l'an mil CCCC quarante et huit.
Charles.