D'après a. : Expédition sur parchemin mesurant 0 m,27 de hauteur et 0m,37 de largeur ; grand sceau orbiculaire pendant dans une gaine de parchemin.
Confirmation de la fondation de la messe des rois de Sicile à Pont-Saint-Esprit
René, roi de Jérusalem et de Sicile, duc d'Anjou, etc., confirme la fondation de la messe des rois de Sicile à Pont-Saint-Esprit.
Renatus, Dei gracia Jerusalem, Aragonium utriusque Sicilie, Majoricarum, Sardinie et Corsice rex, ducatuum Andegavie et Barrie et dux, comitatuumque Barchinonie, Provincie et Forcalquerii ac Pedismontis et comes, thesaurariis et aliis receptoribus gabellorum salis dictorum nostrorum comitatuum Provincie et Forcalquerii, presenti videlicet, et futuris fidelibus nostris dilectis, graciam et bonam voluntatem...
Vera devocione moti et vestigia predecessorum nostrorum sequentes, cum pro divino cultu et quadam missa cothidiana que in capella, fundata per eosdem predecessores nostros sub titulo Beate Marie, situata infra ecclesiam Sancti Spiritus de ponte loci Sancti Saturnini de Portu, Uticensis diocesis, ubi Sanctus Spiritus cothidie multa miracula operatur, per fratres presbiteros illic Deo deservientes et deprecationes facientes pro conservatione Nostre Majestatis, necnon consortis carissime et liberorum nostrorum predecessorumque et successive posteritatis nostre animarum salute continuo celebratur, florenos quinquagenta dictis fratribus presbiteris in dicta capella celebrantibus dum taxat inter eos dividendos ordinaverimus, vita nobis comissa et nostro beneplacito perduxante, anno quolibet, a die vicesima tercia mensis madii proxime preterita inhanteo exsolvendos.
Post autem finem dierum nostrorum observantiam solutionis dictorum quinquagenta florenorum, voluntate et arbitrio heredum et successorum nostrorum, serie earumdem presentium specialiter reservamus.
Igitur, volumus et tibi harum serie, de certa nostra scientia, precipimus et mandamus quathenus dictos florenos quinquagenta, predictis fratribus presbiteris in predicta capella sacrificantibus, inter eos ut premittetur distribuendos de pecunia dicte gabelle aut alterius, nomino ipsorum, debito modo informato, annis singulis, in eadem die vicesima tertia cujuslibet mensis madii, solvas et exhibeas, integraliter et perfecte, et recipias de solutione hujusmodi debitant appodixam quam tibi sufficere volumus ad cauthelam ac in compotis tuis per magistros rationales archivi nostri Aquensis acceptari pariter et admitti, ac de universali summa recepte dicte gabelle extenuari et deffalcari nullis cautellis alteris quam presentibus litteris seu vidimus aut transumpto ipsarum in forma publica, semel tantum exhibendo, cui vidimus seu transumpto tantam fidem exhiberi volumus et jubemus quantam hujusmodi nostris originalibus litteris exhibetur.
Et dicta appodixa seu appodixis a te propterea quomodolibet requiren.
Datum Aquis, in nostro regali palatio, sub manus nostre proprie subscriptione, die vicesima sexta mensis madii, anno Domini millesimo quadringentesimo septuagesimo.
Rene.
Visa per me, Vivandum Bonifacii, judicem majorem.
Gratis pro Deo, pro registra.