Mandement aux gens des comptes d'Angers pour réparer les fuites dans la galerie proche de la chambre du duc au château
René, roi de Jérusalem et de Sicile, duc d'Anjou, etc., mande aux gens des comptes d'Angers de faire les répérations nécessaires dans la galerie proche de sa chambre au château, dans laquelle le concierge "Croissant" lui a signalé par écrit plusieurs fuites.
De parle roy de Secile, etc.
Noz amez et féaulx, Croissant, concierge de nostre chasteau d'Angiers, nous a presentement escript qu'il est neccessaire faire reparer et abiller la galerie de plomb pres nostre chambre, et que par deffault de la mectre en point il pleut en la galerie de dessoubz, en maniere que, s'il n'y est de bref pourveu, qu'il y pourroit avoir ung tres grant dommaige, ce que pour riens ne vouldrions tollerer.
Si vous mandons que vous tirez sur le lieu et appeliez ledit Croissant, et que ce que vous trouverez y estre neccessaire de reparer que le faictes incontinent faire ; car, qui actendroit plus longuement, le denier en cousteroit deux.
Si ne vueillez en ce faire faulte.
Noz amez et feaulx, Nostre Seigneur soit garde de vous.
Escript en nostre ville de Saint-Mihel, le XXIe jour de juillet M IIIIC LXIII.
René.
De Vaulx.