Mandement aux gens des comptes à Angers d'affecter l'argent de l'entretien d'un des lions florentins, décédé, à celui des oiseaux du château
René, roi de Jérusalem et de Sicile, duc d'Anjou, etc., à la suite de la suplication de Pierre Desbans, concierge du château d'Angers, exposant qu'il n'a pas été payé pour la nourriture des oiseaux du château, mande aux gens des comptes d'Anjou que les sommes affectées à l'entretien d'un des lions florentins décédé le soient désormais à celui des oiseaux.
De par le roy de Secille, etc..
Gens de nos comptes à Angiers, Pierre Desbans, concierge de nostre chastel d'Angiers, est venu par devers nous et nous a dit que, combien qu'il ait nourry tous les oyseaulx grans et petiz de nostre chastel d'Angiers par l'espace de deux ans et plus, et que autreffoiz eussons ordonné qu'il fust advisé pour la despence qu'il fait chascun jour, tant pour ceulx qui menjuent graine que ceulx qui menjuent chair, et aussi d'un signe et certaines oayes sauvaiges estans es doves dudit chastel, et pour les fournir chascun jour fust appoincté avec luy certaine somme d'argent, il ne luy en a encores esté ordonné ne fait aucun appoinctement, ainsi qu'il nous a dit, en nous suppliant que sur ce luy voulussons pourveoir de remede convenable et le faire assigner et appoincter de leur dicte despense.
Savoir vous faisons que nous voulons faire entretenir la despence de nosdits oyseaulx et l'assigner en lieu seur, par quoy vous mandons expressement que la livrée et despence que souloit faire et avoir l'un des lyons de Florence derrenierement mort, vous la convertissez en la despence des dits oyseaulx, et l'argent a quoy elle se pourra monter le faictes delivrer et bailler audit Pierre Desbans, selon que adviserez par celluy mesmes qui delivroit ladite despence, auquel voulons estre aloée par vous en ses comptes ainsi qu'elle estoit pour ledit lyon, sans aucune difficulté ou contredict, en rapportant quictance dudit Pierre Desbans de ce que montera ladite despence.
Si n'y faictes faulte.
Donné a Rivectes lez Angiers Château de Rivet (com. Les Ponts-de-Cé, Maine-et-Loire).e jour de janvier mil IIIIC LVI.
Par le roy, René.
Alardeau La copie des signatures est précédée de la mention ainsi signé.