Mandement aux gens des comptes d'Angers sur les jardins de plusieurs châteaux
René, roi de Jérusalem et de Sicile, duc d'Anjou, etc., mande aux président et gens de la Chambre des comptes d'Angers de contrôler la bonne tenue de ses jardins, ménages et châteaux de Chanzé, Ponts-de-Cé, Menistré et Launay, afin qu'ils soient prêts pour son retour en Anjou.
De parle roy de Secile, duc d'Anjou, etc.
Noz amez et féaulx, nous vous advisons que nous sommes sur nostre retour en nostre païs de Provence, et espérons d'estre, au plaisir Dieu, tantost apres cestes Pasques prouchaines par dela en nostre païs d'Anjou.
Et pour ce nous vous mandons que vous visitez noz ouvraiges, jardrinaiges et mesnaiges, tant du chasteau que de Chanzé, le Pont de Sée, la Menistré et Launay, et ordonnez, vous et le sire de Precigné, auquel pareillement en escrivons, que tout soit mis a point, et que les treilles des jardrins et tout ce que besoing y sera soient bien faictes et bien ordonnees, et nos ouvraiges parfaiz et accompliz ainsi que autreffoiz les devisasmes et que depuis plusieurs foiz vous en avons rescript ; et mesme aussi nostre maison de Baugié.
Et vous, président Guillaume Gauquelin, président de la Chambre des comptes d'Angers (note par a)
Dictes aussi au tresorier qu'il ne nous faille de riens qui touche lesdits ouvraiges et jardrinaiges, auquel pour cestes causes en escrivons.
Si vueilliez y faire partout toutes diligences possibles et necessaires la ou mestier sera, par maniere que nous les trouvons bien a point a nostre venue et que congnoissons que y aurez eu regart.
Et par les venans par deca nous escrivez de toutes choses.
Nos amez et feaulx, nostre Sire soit garde de vous.
Escript a Albe, le XIIIIe jour de janvier.
René.
Boursier.