Renatus, dei gratia Jherusalem et Sicilie rex, Andegavie, Barri et Lothoringie dux, Pontis marchio, Provincie Cenomanie et Forcalquerii ac Pedemontis comes, universis presens privilegium inspecturis tam presentibus que futuris.
Debetur obsequiis gratitudo, et naturalis obligationis instinctu rependium illis quoque hoc decet adesse prestantius ubi majora precesserunt merita et fructuosiora extitisse servitia comprobantur.
Consideramus igitur illos potioribus beneficiis efferendos quos erga predecessores nostros majoris devotionis operibus comperimus claruisse et se nobis gratiores per obsequii promptioris exhibitionem laudabilem reddidisse.
Sane olim clare memorie serenissimus princeps et dominus germanus noster reverendissimus dominus Ludovicus tertius, Jherusalem et Sicilie rex, etc., dum viveret, actendens merita grata sincere devotionis et fidei viri magnifici Anthonii de la Sala, etc., consiliarii et fidelis nostri dilecti, eidem Anthonio, ad vitam suam tantum, castrum Sadaroni, scitum et positum in prefato nostro comitatu Forcalquerii, cum hominibus, vassallis, vassallorumque redditibus, juribus, pedagiis, proventibus, emolumentis, prosignis, jurisdictionibus et pertinentiis suis omnibus dedit, tradidit et gratiose concessit, sicut in quibusdam regiis litteris fraternis eidem Anthonio proinde concessis et factis plenius et seriosius hec et alia continentur.
Nos vero, liberalitatem dicti condam domini regis Ludovici, fratris nostri reverendissimi, erga dictum Anthonium ostensam multipliciter comendantes et ipsius in hac parte sequi vestigia cupientes, nec minus in nostre mentis examine deducentes fervorem sincere fldei et illibate devotionis constantiam dicti Anthonii, tam erga clare memorie serenissimum principem et dominum genitorem nostrum reverendissimum dominum Ludovicum secundum, Jherusalern et Sicilie regem, etc., et prefatum dominum regem Ludovicum tertium, fratrem nostrum reverendum, quam etiam erga nostram magestatem laudabiliter comprobatam, grata quoque, fructuosa, accepta et digna memoratu servitia per eum prefatis predecessoribus nostris et subsequenter nobis laboriose, die noctuque et in acceptabili tempore prestita et impensa fideliter et constanter, in quorum servitiorum prestatione Antonius ipse quicquid scivit et potuit, pro statu dictorum predecessorum nostrorum et nostro, facere non obmisit, personam suam periculis formidandis exponens, sumptibus non parcens multiplicibusque laboribus et expensis quos et quas pro honore et statu ipsorum predecessorum nostrorum et nostro cum indefexa promptitudine supportavit, queve prestat ad presens, vacando die noctuque, cum solicitudine et diligentia speciali, circa gubernationem persone illustris filii nostri primogeniti predilectissimi , Johannis, ducis Calabrie, etc., et prestare poterit de bono in melius continuatione laudabili in futurum, ex quibus ipsurn Anthonium munifice prosequi astringimur et tenemur et eum ampliori nostra gratia et remuneratione dignum et benemeritum reputamus, que quidem servitia et merita ipsius Anthonii non fuerunt a nostra delenda memoria, sed ilia debemus habere continue menti fixa, et merito nos exitant ad ejus prosequtionem munificam et uberem gratiludinem per nos erga eum per consequens exercendam, ac volentes cum dieto Anthonio super concessione dicti castri agere gratiose, tam propter exigentiam suorum servitiorum et meritorum predictorum, quam in recompensationem ducatorum triginta sex milium debitorum condam viro magnifico et strenuo armorum capitaneo Bernardo de la Sala, genitori dicti Anthonii, per clare memorie serenissimum et illustrissiraum principem et dominum avum nostrum reverendissimum, dominum Ludovicum primum Jherusalem et Sicilie regem, etc., et per eumdem condam Bernardum eidem condam domino regi Ludovico primo in suo felici adventu ad hoc regnum nostrum Sicilie mutuatorum, sicut per scripturas et litteras suas regias, magno pendenti sigillo munitas, inde factas, clare patuit, jamdicto Anthonio et suis heredibus et successoribus universalibus et particularibus quibuscumque imperpetuum, jamdictum castrum Sadaroni, ut supra situm et positum, cum fortellitio, hominibus, vassallis, vassallorumque redditibus, feudis, subfeudatariis, mero et mixto imperio ac gladii potestate, domibus, possessionibus, vineis, olivetis, jardenis, terris cultis et incultis, montibus, planis, silvis, nemoribus, pascuis, arboribus, molendinis, furnis, baccinderiis, aquis, aquarumque decursibus, prosignis, emolumentis, pedagiis, herbagiis, juribus, jurisdictionibus, censibus, laudimiis et tresenis, cum juribus retentionis et prelationis, obventionibus, redditibus et proventibus, actionibus, rationibus et pertinentiis omnibus et singulis ad dictum castrum Sadaroni, tam de jure quam de consuetudine, spectantibus et pertinentibus quovis modo, de novo, tanquam rem nostram propriam, damus, donamus, tradimus et ex causa donationis, proprii nostri motus instinctu, tenore presentis nostri privilegii et de certa nostra sciencia, concedimus graciose, cedentes, transferentes et dirivantes in eumdem Anthonium et dictos suos heredes et successores ejusdem, presentis nostri privilegii tenore et dicta sciencia certa nostra, omne jus omnemque actionem realem et personalem nobis et nostre curie ac heredibus et successoribus nostris competens et competentem, competiturum et competituram, quomodocumque et qualitercumque, in et super dicto castro et juribus suis predictis, nichil juris vel actionis quoad utile dominium in illis nobis et dicte nostre curie seu heredibus et successoribus nostris predictis retinentes seu quomodolibet reservantes, cum dictum castrum cum juribus suis predictis eidem Anthonio et dictis suis heredibus et successoribus concesserimus et donaverimus ex causis premissis superius prenarratis, dantes et concedentes per presens nostrum privilegium eidem Anthonio et dictis suis heredibus et successoribus licentiam, auctoritatem et plenariam potestatem quod possint et valeant libere et sine contradictione aliqua dictum castrum Sadaroni tenere et possidere, vendere, alienare, obligare, hypothecare seu legare et relinquere in vita vel in morte, ас facere et disponere pro eorum libito voluntatis
[si et quotiens eis vel cuilibet imporium videbit et placebit, jusque donari et uti seu ac jura omnia supradicta provenietia ex dicto castro et incibus eius recolligere, precipere et habere et eorum comoditatibus applicare, quibuscumque legibus constitutionibus capitulis et rescaptis ac reservationibus consuetudinibus vicibus scatutis et aliis presenti nostre donationi conterariis, necnon donationibus, concessonibus, venditionibus, alienationibus et promissionibus per nos et predecessores nostros de dicto castro cum juribus suis predictis forte factis, vel faciendis imposterum, quibusvis homnibus et personis protum vis benemeritis atque dignis et pro quibusvis considerationibus sive causis ac privilegiis letteris scripturis et cautelis aliis exinde subsequtis, vel ju... subsequedis sub quibusvis tenoribus sive formis et clausulis aliis protumcumque favorabilibus et derogatoriis, etiam si de illis, vel aliqua illaram clausula esset hic specialis et expressa seu de verbo ad verbum mentio et noticia facienda, quas et que, protum ad presentis none nostre donationis obstaculum et impedimentum, de nostra regia et dominica potestate, et per presens nostrum privilegium, et per nostrum etiam decretum, tollimus et anullamus, ac eorum viribus et efficatia vacuanus nonobsentibus quoquomodo, volentes insuper iubentes et dedarantes expresse pro dictus Anthonius prefatique sui heredes et successores, in presenti nostra nova donatione quam eis fecimus de dicto castro, cum juribus suis predictis, et circa illius consequtionem consequantur et habeant omnia privilegia juris, et que jura civilia concedunt et concecuntur illis qui rem consequntur a principe concessam, vel donatam, ut spectam rem suam suppremi et maioris dominii ratione, necnon privilegio et prerogativa Legis Bene a Zenome, et Legis omnes codice de quadriennii prescriptione, in premissis et circa premissa gaudeant et fruantur, ac tuti sint adversus homines et personas quascumque pretendentes allegantes, vel quomodolibet ostendentes jus et actione habere, aut eis competere super dicto castro, et eius juribus supradictis, nec super predictis et quolibet predictorum, per predictos citari vel conveniri valeant coram judicibus quibuscumque ordinarius seu delegatis, vel etiam delegandis jamdictis personis omnibus et singulis pretendentibus, allegantibus vel ostendetibus quandocumque in et super dicto castro et eius juribus supradictis jus et actionem habere, aut eis competere ut est dictum super premissis omnibus et singulis perpetuum silentium imponentes, et tam eis pro officialibus omnibus et singulis ad quos spectaverit, presentibus et futuris, viam manus jurisdictionem arbitrium et officium huius presentis nostri privilegii serie, de sciencia motu et potestate nostris predicdimus quid per ullo umquam tempore, contra et adversus prefatum Anthonium eiusque heredes et successores et quoslibet alios ab eis causam habendes vel habituros in et super ipso casteo cum juribus suis predictis agendi intentandi, vel quomodolibet (innovandi?), ipsumque jus et actionem contra nos et fiscum nostrum, infra quadriennium tantum et non ultra ut jura demandant paratum vincuique jus suum tribuere, et in justicia respondere (eidem?), et non contra ipsum Anthonium eiusque heredes et successores vel alios ab eis causam habendes vel habituros premissorum pretextu, agi et judicium intentari debeat per predictos.]
[Promictentes et (firmiter?) pro nobis nostrisque heredibus et successoribus pollicentes in verbo et fide nostris regalibus, et per presens nostrum privilegium, (p...) nostram novam donationem et concessionem per nos factam prout super eis est expressum, habere omnibus tempore ratam gratam et firman, namque eidem Anthonio dictisque suis heredibus et successoribus observare, actendere et inviolabiliter adimplere, ac ab aliis observari facere et mandare, nec contra illam venire aliqua ratione titulo vel pretextu, directe vel indirecte palam publice vel occulte.]
[Et ecce propterea universis et singulis officialibus nostris superioribus et anferioribus quocumque titulo et denominacione notentis officioque fugentibus in comitatibus nostris Provincie et Forcalquirii statutis et statuendis, eorumque locatenentibus presentibus et futuris, necnon subditis et personis aliis, in ipsis comitatibus nostris constitutis presens nostrum privilegium inspecturis, damus omnisbus presens nostri privilegii tenore, et de dicta certa nostra sciencia expressius in mandatis quatenus forma presentis nostri privilegii, none concessionis et donationis dicti castri Sadaroni cum juribus omnibus suis predictis per nos facte modo premisso prout super vis est expressum, per eos et eorum quemlibet diligenter actenta illam ipsi et quilibet eorum presentes scilicet et futuri, eidem Anthonio et dictis suis heredibus et successoribus, observent inviolabiliter et faciant ab aliis tenaciter et effectualiter observari, et in aliquo non contraveniant, sicut nostram gratiam caram habent, et indignationem cupiunt evitare.]
[Investientes proinde eundem Anthonium pro se et dictis suis heredibus et successoribus de presenti nostra donatione, concessione et gratia per nostrum parvum sigillum, presentialicer ut est moris.]
[Quam investituram vim et vigorem vere donationis et realis perceptionis et habitionis dicti castri Sadaroni, cum fortalitio hominibus vassallis mero et mixto imperio et jurbus aliis supradictis, volumus et decerimus obtinere.]
[In cujus rey testimonium presens privilegium exinde fieri et magno nostro predicti sigillo jussimus comuniri, quod per eius validiori robore dedimus et subscripsimus propria nostra manu.]
Datum in castro novo Capuane Neapolis per manus nostri predicti regis Renati, anno Domini millesimo quadringentesimo tricesimo non, die vicesimo mensis januarii, secunde indictionis, regnorum nostrorum anno IIIIto.
Vitalis de Cabannis, locumtenens prothonotarii.
De mandato regio, domino Guillelmo de Monteferrato, domino Octivo, cancellario regni Sicilie, domino Georgio de Alamania, comite Pulcini, Ludovico, domino de Bellavalle, Henrico, bastardo de Barrii, domino Guidone Daucigny, domino Vitali de Cabannis, Petro, domino de Champagnia, Johanne Cossa et aliis dominis de consilio.
Bollumbrellus.
Registrata in cancellaria, penes cancellarium.