1401, 1er décembreParis

Louis, duc de Bourbonnais etc., retient son amé et féal chevalier Guillaume de La Forêt maître de son hôtel et de l'hôtel de la duchesse, en même temps qu'il lui alloue 100 l. t. de pension annuelle en plus de ses gages ordinaires, et le charge d'aller exercer son office continuellement au service de la duchesse.

Loÿs, duc de Bourbonnois, comte

(a) Écrit compte.

de Forez, baron et seigneur de Beaujeu, per et chamberier de France, a touz ceulx qui ‹c›es lettres verront, salut et dilection. Savoir faisons que, pour le bon rapport que fait nous a esté de la personne de nostre amé et feal chevalier messire Guillaume de la Forest

Seigneur de Bulhon en Auvergne, Guillaume de La Forêt est un fidèle serviteur de Louis II, qu'il accompagna en Espagne en 1386 (La chronique du bon duc Loÿs de Bourbon…, op. cit., p. 191). Il reste maître d'hôtel d'Anne Dauphine jusqu'en 1410, date à laquelle il rejoint l'Hôtel de Jean Ier comme chambellan et maître d'hôtel (Archives départementales Loire, B 1941, fol. 17 ; J.-M. de La Mure, Histoire des ducs de Bourbon et des comtes de Forez, III, p. 188). Il appartient à l'ordre de chevalerie de la Pomme d'or (A. Bossuat, "Un ordre de chevalerie auvergnat : l'ordre de la Pomme d'or", p. 3). Il est désigné en 1413 par Jean Ier de Bourbon avec Gilbert de La Fayette pour contracter des alliances au nom du duc avec plusieurs seigneurs d'Auvergne (Paris, Archives nationales, P 1358/2, n°583). En juin 1415, Jean Ier le désigne de nouveau avec d'autres pour recevoir le serment de fidélité que le duc de Berry a demandé à ses nobles, gens d'Église et bourgeois d'Auvergne de prêter à sa fille Marie et à son gendre, le duc de Bourbon (ibid., P 1364/1, n°1297 ; O. Mattéoni, "Société contractuelle, pouvoir princier et domination territoriale", à paraître).

, nous, confians a plein de son sens, loyauté et bonne diligence, ayans consideration au long et loyal service qu'il nous a fait ou temps passé, icellui nostre chevalier avons retenu et retenons par ce‹s› presentes en maistre de nostre hostel et de l'ostel de nostre tres chiere et amee compaigne la duchesse auz gaigez, droiz, proffiz et emolumens acoustumés et appartenans audit office, et avons de lui receu le serement acoustumé faire en tel cas, et des maintenant l'avons chargé et commis, chargons et commectons d'aler faire et excercer continuelment sondit office ou service de nostredicte compaigne ; et pour lui aidier a soustenir son estat, soy tenir et vivre plus honestement oudit service, nous, d'abundance et especial grace, oultre lesdiz gaiges, droiz et proffiz a icellui nostre chevalier dessus dit avons octroyé et donné, octroyons et donnons par la teneur de ces lettres pour chascun an doresenavant la somme de cent livres tournois de annuelle pension ou gaiges tant comme il nous plaira et il nous servira. Si donnons en mandement par ces presentes a nostre tresorier de Forez present et qui par le temps avenir sera que a nostredit chevalier chascun an dorezenavant il paie, baille et delivre ladicte somme de cent livres tournois de annuelle pension ou gaiges auz termes et par la maniere acoustumee de paier les autres pensions et gaiges par nous donnés a noz officiers et serviteurs. Et nous voulons tout ce que pour lesdiz gaiges et pension paié lui aura estre alloué en ses comptes et rabatu de sa recepte senz contredit aucun par noz amés et feaulx gens de noz comptes a Montbrison, par rapportant quictance souffisante de nostredit chevalier et soubz seel autentique vidimus de ces lettres, par lesquelles nous mandons aux maistres des chambres auz deniers desdiz hostelx que nostredit chevalier il enregistrent auxdictes chambres auz deniers avec les autres maistres desdiz hostelx, et desdiz gaiges, droiz, proffiz et emolumens acoustumés et appartenans a sondit office le facent, laissent et sueffrent joïr et user paisiblement, car il nous plait tout ce que baillé lui auront pour ceste cause ‹estre› alloué en leurs comptes et deduit de leur recepte par icellui ou ceulx a qui il appartiendra. Mandons aussi a touz les officiers, serviteurs et subgiés des dessus diz hostelx que a nostredit chevalier obeïssent et entendent diligemment aux choses touchant oudit office, non obstant quelxconques ordennances, mandemens ou deffenses a ce contraires. En tesmoing de ce, nous avons fait mectre nostre seel a ces presentes. Donné a Paris, le premier jour de decembre, l'an de grace mil quatre cens et un.