1443, 24 octobre Moulins

Charles, duc de Bourbonnais et d'Auvergne, etc., notifie aux gens de ses comptes qu'il a reçu l'hommage de Jean Chauvet pour tout ce que celui-ci tient de lui en fief dans le duché de Bourbonnais.

Charles, duc de Bourbonnois et d'Auvergne, conte de Clermont et de Forez, seigneur de Beaujeu et de Chastel Chinon, per et chamberier de France, a noz amez et feaulx gens de noz comptes, seneschal de Bourbonnois et a tous noz autres justiciers et officiers ou a leurs lieuxtenants, salut.

Savoir vous faisons que aujourd'huy notre amé et feal Jean Chauvet

Jean Chauvet écrit par dessus un blanc, qui se poursuit jusqu'à fait sur l'équivalent de six mots.

nous [a]

a : oubli du scribe.

fait les foy et hommaige qu'il nous est tenu de fere de tout [ce]

ce oublié par le scribe.

qu'il tient et peut tenir en fief de nous en notredis païz et duché de Bourbonnois et ressort d'icellui, et nous a juré et promis de tenir et acomplir toutes lez choses contenues es chapitres de fidelité vielz et nouveaulx, ausquelz foy et hommaige nous ledit Jean Chauvet avons receu sauf et reservé droit de commise et de retenue s'il y eschiet et autre a nous et audits appartenent.

Si vous mandons et a chacun de vous si comme a lui appartiendra que ledit Jean Chauvet a cause desdits foy et hommaige pour nous faiz, vous ne molestez, ne empeschez, ne souffrez estre molesté ne empesché en aucune maniere, mais se aucuns des ses biens estoient pour ce prins, saisiz, arresté ou (illisible) les lui mectez ou faictes mecte ces lettres veues a plaine delivrance pourveu qu'il rendra et baillera sa nommee et desnombrement de ce qu'il tient en fief de nous en notredite chambre des comptes dedans quarante jours prochains venans.

Donné en nostre ville de Molins soubz notre seel de secret le XXIIIIe jour d'octobre l'an de grace mil quatre cens quarante et troys.

Par monseigneur le duc,

Gon.