1415, 15 décembreCleppé (Château)

Anne Dauphine, duchesse de Bourbonnais etc., fonde en l'église du prieuré de Saint-Pierre-de-Champdieu, chaque mercredi, une grande messe à note, avec dix livres de rente pour les religieux, à prendre en deux termes à Pâques et à la Toussaint, sur la recette de la prévôté de Marcilly-le-Châtel, conformément aux dispositions de son testament.

(Fol. 1r) Nous Anne Dauphine, duchesse de Bourbonnoys, contesse de Fourez et dame de Beaujeu, a tous ceulx qui ces presentes lettres verront et orront, savoir faisons que, comme nagaire en nostre testament et darniere volunté nous ayons ordonné, fondé et institué en l'eglise du prieuré et couvent de Chandieu

Champdieu : Loire, ar. Montbrison, c. Boën-sur-Lignon. Le prieuré de Champdieu a été fondé au ixe siècle (J.-E. Dufour, Dictionnaire topographique du Forez, p. 151).

estre celebrée et chantee ung chacun an, perpetuellement, une grant messe a notte de tous les saints et saintes de Paradis, laquelle se dira pere les relligieulx, couvent et curé dudit lieu, solempnement, tous les mercredys de l'an, pere nostre intention, salut et remede des ames de nous et de noz predecesseurs, et a la fin d'icelle grante messe faire commemoracion pour les mors, pour laquelle messe nous ayons donné en nostre testament audits relligieulx, couvent et curé et leurs successeurs, a tousjours maiz, (fol. 1v) la somme de dix livres tournoises d'annuelle et perpetuelle rente en valleur, a prendre et avoir par lesdiz relligieulx, couvent et curé dudit lieu ung chacun an sur nostre recepte et prevosté de Marcillien le Chastel

Marcilly-le-Châtel : Loire, ar. Montbrison, c. Boën-sur-Lignon.

, comme plus a plain en nostredit testament est contenu, est ainsi que nous, desirans icelluy nostre testament accomplir en nostre presente vie, perserans est nostre bon project, de nostre certaine science, desmaintenant ordonnons, fondons et instituons pere la teneur de ces nos lettres, en laditte eglise du prieuré et couvent de Chandieu, la grant messe a notte dessusdite, pere laquelle nous donnons ausdiz relligieulx, couvent et curé et a leurs successeurs, en ayde et accroissement de leur vestiaire, laditte somme de dix livres tournoises par an, a prendre et avoir sur nostreditte recepte (fol. 2r) et prevosté de Marcillien le Chastel, comme dessus est dit, aux termes c'est assavoir la moytié au Pasques prouchainement venant, et l'autre moitié en la Toussains ensuyvant. Sy donnons en mandement a noz amez et feaulx conseillers, les gens de noz comptes en Fourets, que, receu le serement desditz relligieulx, couvent et curé dudit lieu de Chandieu pour eulx et leurs successeurs, dehus en tel cas, et registré en nostre chambre desdiz comptes, iceulx relligieulx, couvent et curé dessusdits, desdites dix livres tournoises facent payer et satisfaire pere nostre prevost du Marcilli le Chastel qui a present est, et sera pour le temps ad venir, aux termes que dessus, en deduysant et rabattant audit prevost du Marcilly qui est a present, et pour le temps ad venir sera, laditte somme de dix livres tournoyses (fol. 2v), parmy et exportant vidimus de ces presentes pour une foys tant seulement, et quittance souffisant sur ce ung chacun an, en ses comptes, sans contredit ou difficulté aucune, car ainsi l'avons

rature.

ordonné et nous plaist estre fait, non obstant quieuxconques mandemens, ordonnances ou deffences a ce contraire. Et afin que ce soit ferme chose et estable a tousjours maiz, nous avons fait mettre nostre scel a ces presentes, faites et données en nostre chastel de Cleppé

Cleppé : Loire, ar. Montbrison, c. Feurs.

le quinziesme jour du mois de decembre, l'an de grace mil quatre cens et quinze. Presens noz amez et feaulx conseillers messire Amier Vert, chevalier, nostre bailli de Fourez

Membre d'un lignage ancien du Forez, Amé Vert est d'abord capitaine-châtelain de Saint-Bonnet en 1402 (É. Perroy, Les familles nobles du Forez au xiiiee siècle, II, p. 941). Il est nommé bailli de Forez le 16 juin 1414 (Paris, Bibliothèque nationale de France, lat. 10034, fol. 44V). Il remplace Guichard d'Urfé. Il demeure bailli jusqu'à sa mort, en 1455 (Archives départementales Loire, B 1844, fol. 24). Il cumula sa charge avec celle de capitaine-châtelain de Saint-Bonnet et de Marols (Ibid., fol. 25v).

, Jocerand de Sainte Colombe, escuyer, maistre de nostre hostel

Josserand de Sainte-Colombe est maître d'hôtel de la duchesse Anne Dauphine de 1413 à 1416.

, mestre Jehan Tenet, licencié en loys, nostre conseiller et advocat, et Guillaume Rajace, nostre secretaire et auditeur en nostre chambre des comptes a Montbrison

Guillaume Rajace a d'abord été clerc des comptes. Sa dernière mention dans cet office remonte au mois de juin 1413 (Archives départementales Loire, B 1958, fol. 77). Il est ensuite promu conseiller à la Chambre de Montbrison : cité le 15 mai 1416, il l'est encore en mars 1418 (ibid., B 1837, fol. 93 et 96v). En 1390, il a été nommé capitaine-châtelain de Souternon en 1390 (Paris, Bibliothèque nationale de France, fol. 114v ; O. Mattéoni, Servir le prince, p. 254n).

, tesmoings a ce appellés.