1403, 12 aoûtThiers

Anne Dauphine, duchesse de Bourbonnais etc., institue Jean Perreau dit de Souvigny prévôt de Sury-le-Bois.

Anne Dauphine, duchesse de Bourbonnois, contesse de Forez et dame de Beaujeu, a touz ceulx qui noz presentes lettres verront, salut. Savoir vous faisons que nous, confiens a plain du sens, loyaulté, prodommie, souffisance et bonne diligence de Jehan Perreau dit de Sovigni, icellui Jehan avons institué, ordonné et establi et par noz presentes instituons, ordenons et establissons nostre prevost de Sury le Bois

Sury-le-Bois : Loire, ar. Montbrison, c. Feurs, com. Valeille.

aux gaiges, proffiz et esmolumens acoustumés, auquel Jehan avons donné et donnons plain povoir par noz presentes de lever, recullir noz cens, rentes, ailles et redevances a nous appartenans touhant le fait de la recepte de ladicte prevosté, et de faire toutes autres chouses quelconques qu'elles soient qu'il appartenoit au fait de la dicte recepte et que a bon et loyal service lui appartient en nous rendent bon compte et loyal de ladicte recepte. Si mandons a noz amez et feaulx les gens de la chambre des comptes a Montbrison que dudit office en deboutent touz autres et icellui mectre en possession dudit office, car ainsi nous plaist estre fait. Donné a Thiart

Thiers : Puy-de-Dôme, ch.-l. ar.

, soubz nostre seel, le XIIe jour d'aoust, l'an mil IIIIC et trois.