1387, 12 juilletMontluçon

Anne Dauphine, duchesse de Bourbonnais etc., nomme Jean Chenillette prévôt de Saint-Marcellin, et commet avec lui Pierre Charbonnières pour avoir la garde du papier de la justice de ladite châtellenie.

Anne Dauphine, duchesse de Bourbonnois, contesse de Clermont et de Forez, a touz ceulx qui ces presentes lettres verront, salut. Savoir faisons que nous, confianz a plain du cenz, loyauté et bonne diligence de Jehan Chenillete, ycellui avons fait, institué et ordené, faisons, instituons et ordenons prevost de nostre prevosté de nostre chastellenie, mandement et ressort de Saint Marcellin

Saint-Marcellin : Loire, ar. Montbrison, c. Saint-Just-Saint-Rambert.

tant comme il nous plaira, aux gaiges, proffiz et emolumens que les autres noz prevoz ont accoustumé de prendre et avoir pour an, auquel Jehan nous avons donné et donnons plain povoir et mandement especial de gouverner et excercer ledit office en la forme et maniere que a bon et loyal prevost [doit] et appartenient de fere, mandons et commandons a touz noz subgez, requerons touz autres que, audit nostre prevost en faisant et excercent sondit office deuement, a lui obeïssent et entendent diligement, et mandons es genz de la chambre de noz comptes en Forez que, en prenant de lui le serement et caution souffisante en la maniere accoustumee, et que dudit office le mectent en possession et saysine, et avecques ce lui avons commis et ordené avecques lui Charbonnet la garde et gouvernement du papier de la justice de ladicte chastellenie, mandement et ressort aux proffiz et emolumens accoustumez en tel cas. Donné en nostre ville de Montluçon

Montluçon : Allier, c.-l. ar.

, le XIIe jour de jullet, l'an mil CCC IIIIXX et VII.