1438, 27 décembreMoulins

Quittance d'Agnès, duchesse de Bourbonnais et d'Auvergne, etc., à Pierre Mandonier, receveur du bas pays d'Auvergne de la portion d'une aide de deux cent mille francs, de la somme de sept cent cinquante livres tournois.

Nous Agnez de Bourgoigne, duchesse de Bourbonnois et d'Auvergne, contesse de Clermont et de Forez, dame de Beaujeu et de Chastel Chinon, confessons avoir eu et receu de Pierre Mandonier, receveur ou bas païs d'Auvergne de la porcion de XXIIIIM f. mis sus a Yssoire par les gens des trois estas du bas et hault païs d'Auvergne pour la porcion de l'ayde de IIC M f. mis sus par monseigneur le roy [trou : au mois de … dernier ?] passé, pareillement que es deux annees precedens, et de certaines sommes mises sus par les gens des trois estas dudit bas païs, par mandement de mondit seigneur le roy montant a XXXM f. pour païer les raençon qu'il a convenu faire aux gens d'armes, la somme de sept cens cinquante livres tournois, laquelle lesdiz gens des trois estas dudit bas païs ont ordonné a nous estre païee, baillee et delivree par ledit receveur des deniers de sa recepte pour les causes et ainsi qu'il est plus applain contenu et declairé es instrucions et ordonnances fetes sur le fait dudit ayde, de laquelle somme de VIIC L l. t. nous tenons pour bien contente et païé et en quittons ledit receveur et tous autres a qui quittance en appertient. Donné a Molins, soubz nosttre seel, le XXVIIeme jour de decembre, l'an de grace mil IIIIC trente et huit.