"Aux enfans cy dessus nommés a esté donné terme de bailler son denombrement dez choses tenuez en fié et homaige de monseigneur jusques a la Chandeleur prouchain venant sanz prejudice a monseigneur en commise ou autrement. Le XXVe jour de septembre l'an que dessus IIIIC et VIII en tenent le respit de monseigneur".
Louis, duc de Bourbonnais etc., accorde répit à Antoine, Jeanne, Philippe et Guichard, enfants de feu Antoine de Fondra et Jeanne de Varey, sa femme, jusqu'à ce qu'ils soient en âge parfait, pour lui rendre hommage pour les biens qu'ils possèdent en Forez et en Beaujolais.
Louis, duc de Bourbonnais etc., accorde répit à Antoine, Jeanne, Philippe et Guichard, enfants de feu Antoine de Fondra et Jeanne de Varey, sa femme, jusqu'à ce qu'ils soient en âge parfait, pour lui rendre hommage pour les biens qu'ils possèdent en Forez et en Beaujolais.
Loÿs, duc de Bourbonnoys, conte de Fourez et seignieur de Beaujeu, per et chamberier de France. Savoir faisons que nous avons donné respit a Anthoine, Jehanne, Phelippe et Guichart, enfans de feu Anthoine de Fondra et de Jehanne de Varey, sa femme, de nous fere la foy et hommage des choses qu'il tiengnent et pourtent de nous en fié a cause de leur pere en nostre païs de Fourez et en Beujeuloiz jusques ad ce que lesdiz enfans soient en eage parfait. Si donnons en mandement aux gens de noz comptes auxdis païs de Forez et de Beujeulois que dudit respit lessent et seuffrent lesdiz enfans joïr et user paisiblement sanz venir au contraire sauf en autres choses le droit de comise, nostre droit et l'autruy en autres choses. Donné en nostre ville de Montbrison, souz notre seel secret, le XVIIIe jour d'avril, l'an de grace mil IIIIC et six.
Par monseigneur le duc.
J. Gadet.