1393, 3 juinAvignon

Louis, duc de Bourbonnais etc., nomme son amé et féal chevalier Humbert de Salamar à l'office châtelain et capitaine du château et de la ville de Malleval, vacant par la mort de son titulaire, Parpillon Falatre, et du château et de la châtellenie de Virieu, naguère détenu par Astorge de Champenière qui en a été déchargé.

Loÿs, duc de Bourbonnois, conte de Clermont et de Forez, per et chamberer de France, a tous ceulx qui ces presentes lettres verront, salut. Savoir faisons que nous, confians a plain dez sens, loyaulté et bonne diligence de nostre amé et feal chivalier messire Humbert de Salemart

Frère cadet de Guillaume, Humbert de Salamar a servi en Flandre en 1383 et à Ventadour en 1389. Il a participé en 1390 à la croisade de Mahdya. Il est lié à Guillard de Sainte-Colombe qui est nommé capitaine-châtelain de Feurs en 1394 (É. Perroy, Les familles, nobles, II, p. 801, qui fournit de précieux renseignements sur les alliances matrimoniales de la famille).

, ycellui avons fait, establi et ordenné, et par ces presentes faisons, ordennons et establissons chastellain et capitaine de nostre chastel et ville de Maleval

Malleval : Loire, ar. Saint-Étienne, c. Pélussin.

, lequel office est a present vaquant par la mort de feu messire Parpillon Falatre, et aussi de nostre chastel et chastallenie de Virieu

Virieu : Loire, ar. et c. Saint-Étienne, c. et com. Pélussin.

que tenoit nagaires Othorgue de Champeniere, lequel nous en avons deschargé et deschargons par certaines causes qui a ce nous ont meu, a tenir et excercer lesdiz offices par ledit messire Humbert, tant comme il nous pleira, aux gaiges, droiz, profiz et esmolumens acoustumés, auquel messire Humbert nous avons donné et donnons plain povoir, auctoryté et mandement especial de faire et excercer toutes choses que a bon et loyal chastellain et capitaine puet et doit faire et qui audiz offices appartiennent. Si donnons en mandement par ces mesmes lettres a noz amez et feaulx gens de noz comptes a Montbrison que, pris premierement avant toute euvre de lui le serement acoustumé a faire en tel cas, ilz le mectent et facent mectre en possession et saisine dudit office, et d'icellui et desdiz gaiges, profis et esmolumens d'eulz acoustumés ilz le sueffrent, laissent et facent joïr et user et payer a la maniere acoustumee par celui ou ceulx a qui il appertiendra tant comme il excercera ledit office, en deboutant tout autre detempteur desdiz offices, et par rappourtant ces presentes ou vidimus d'icelles soubz seel autantique par premiere foiz seulement et quictance dudit messire Humbert nous voulons tout ce qui ainsi lui sera poyé pour ceste cause estre aloee es comptes de lui ou ceulx de noz receveurs et prevostz a qui il appartiendra par nozdictes gens des comptes, qui a present sont et seront par le temps a venir, sanz aucun contredit ou defaulte. Mandons et commandons a tous noz subgez, prions et requerons tous autres que a ycellui messire Humbert en faisant et excercent deuement lesdiz offices obeïssent et entendent diligement et lui donnent conseil, confort, aide se mestier en a et par lui en sont requis. En tesmoing de ce, nous avons fait mectre a ces presentes lettres

sic : oubli de la mention du sceau dans B.

.

Donné en Avignon, le IIIe jour de juing, l'an de grace mil CCC IIIIXX et treze.