1369, 4 juilletBourbon-l'Archambault

Louis, duc de Bourbonnais etc., confirme à Jean, bâtard de Bourbon, et à ses hoirs, la donation du château de Rochefort et du manoir d'Ébreuil, faite jadis audit Jean par Pierre, feu duc de Bourbonnais.

Loÿs, duc de Bourbonnois, conte de Clermont, per et chambarier de France, a touz ceulx qui verront et orront ces presentes lettres, salut. Savoir faisons que comme nostre tres chier seigneur et pere que Dieux absoille ayet ja pieça donné de certaine science et pure volunté a nostre amé et feal chevalier messire Jehan bastart de Bourbon

Jean bâtard de Bourbon est le fils naturel de Louis Ier de Bourbon. Au temps de Louis II, entre 1365 et 1374, il exerce à de nombreuses reprises la charge de gouverneur et de lieutenant général, ou de lieutenant du comté de Forez (Paris, Archives nationales, P 1355/1, n°12, P 1358/2, n°582, et Bibliothèque nationale de France, lat. 10034, fol. 66v, 73v, 75). Seigneur de Rochefort en Bourbonnais (P. Tiersonnier, Rochefort, châtellenie bourbonnaise, p. 304-326), il se marie en troisièmes noces avec Agnès de Chalheu (P. Van Kerrebrouck, La maison de Bourbon, p. 54). Il est un important conseiller de Louis II entre 1361 et 1374, année de sa mort (O. Mattéoni, "Entre fidélité et compétence", p. 181 et suiv.).

et es hoirs dessendent de son corps successivement de droite lignee et qui descendront l'un de l'autre de gré en gré, le chastel et chastellenie de Rocheffort

Rochefort : Allier, ar. Vichy, c. Gannat, com. Saint-Bonnet-de-Rochefort.

avecques toute justice haute, moyenne et basse, fiez, ressorz, eaux, bois, garesnes, heritaiges, possessions, cens, rentes, revenues, tailles et autres prouffiz et esmolumenz compettanz et appartenant audit chastel et chastellenie ; et aussi lui ait donné semblablement et pour la maniere et forme dessus declaree le chastel et menoir de Esbreulle avec toute justice, fiez, ressors, rentes, tailles, maisons, molins, eaux, bois, garesnes et touz autres profiz et esmolumenz et autres chouses quelcunques appartenant audit chastel et menoir. Nous, considerans les bons et agreables services que ledit messire Jehan a longuement faiz a nostredit seigneur et pere et fait a nous de jour en jour, la donnacion des chouses dessus dictes faicte par nostredit seigneur voulons, rateffions et nous plaist, et en oultre bien pourveu et conseillé, de nostre certaine science, pure volunté et pour nouvel don et darrier contrait si les chouses dessus dictes nous povoyent en aucune maniere competir ou y avoir aucun droit, lesdictes chouses dessus exprimees, confinees et declarees, donnons par ces presentes audit messire Jehan et es hoirs dessendent de son corps de droite ligne et qui dessendrons l'un de l'autre de gré en gré, et lesdictes donnacions, tant celles qui sont faictes par nostredit seigneur comme ceste presente donnacion faicte par nous, nous promettons a tenir fermement et garder inviolablement sanz venir encontre ; et ad ce obligons nous et noz hoirs et touz noz biens, presens et avenir. En tesmoing des chouses dessus dictes, nous avons fait mectre nostre seel en ces presentes lettres qui furent faictes et donnees en nostre chastel de Bourbon

Bourbon-l'Archambault : Allier, ar. Moulins, ch.-l. c.

, le IIIIe jour de juillet, l'an de grace mil CCC soixante neuf.