1416, 16 novembreNS

Anne Dauphine, duchesse de Bourbonnais etc., mande à Guillaume Rajace et Pierre Tanart, ses conseillers, d'asseoir, sur sa châtellenie d'Ussel, la rente de huit livres tournois accordée au sacristain du prieuré de Souvigny, pour sa participation dans l'organisation des messes et anniversaires par elle fondés dans cet établissement en vertu des conventions de son testament.

Anne Dauphine, duchesse de Bourbonnois, contesse de Fourez, dame de Beaujeu et d'Ussel, a noz biens amés conseillers Guillaume Rajace, auditeur en nostre chambre des comptes a Montbrison

Notaire de Forez et notaire royal, Guillaume Rajace a d'abord été clerc des comptes. Sa dernière mention dans cet office remonte au mois de juin 1413 (Archives départementales Loire, B 1958, fol. 77). Il est ensuite promu conseiller à la Chambre de Montbrison : cité le 15 mai 1416, il l'est encore en mars 1418 (ibid., B 1837, fol. 93 et 96v). En 1390, il a été nommé capitaine-châtelain de Souternon en 1390 (Paris, Bibliothèque nationale de France, fol. 114v ; O. Mattéoni, Servir le prince, p. 254n).

, et Pierre Tanart, clerc de la chambre des comptes a Moulins

Pierre Tavart ou Tanart a été notaire de Forez. Il institué clerc du papier de Saint-Just-en-Chevalet le 25 mai 1394 (Archives départementales Loire, B 1937, fol. 77v). Il est ensuite clerc de la Chambre des comptes de Forez : attesté pour la première fois en 1402, il l'est encore en 1411 (Ibid., B 1932, fol. 12v ; B 1938, fol. 13, 20 ; B 1958, fol. 66), date à laquelle il est attesté comme clerc de la Chambre des comptes de Moulins (Paris, Archives nationales, P 1360/2, n°845 ; O. Mattéoni, "Les Chambres des comptes de Moulins, Montbrison, et Villefranche-en-Beaujolais", p. 86-88). Il est cité receveur de la châtellenie d'Ussel en novembre 1416 (Paris, Archives nationales, P 1373/1, n°2185).

, salut et dileccion. Comme en nostre testament nous avons donné, legué et octroyé a religieuses personnes les prieurs et couvant de Souvigny la somme de cinquante livres tournois d'une partie, et quinze livres tournois d'autre partie en rante assise, pour raison et a cause de certaines messes et anniversaires que nous avons ordonné et fondé en leur eglise pour nostre entencion, laquelle rante nous avons proposé de leur asseoir et assigner en et de nostre terre et chastellenie d'Ussel, aux lieux et mas plus prochains de la ville de Souvigny

Souvigny : Allier, ar. Moulins, ch.-l. c.

, comme en nostredit testament est plus a plain contenu, et pour icelles messes et anniversaires soient necesseres pour ung chandelles, cierges et torches de cire, draps d'autier, vestemens et autres choses a l'administracion desquelles le secrestain dudit prieuré et couvent sera tenu de pourveoir pour lui et ses successeurs ou temps a venir tousjours maiz, moyen ce que, en recompensacion desdites choses et du travail que ledit secrestain aura pour faire sonner la cloche quant les messes par nous ordonnees chacun jour de la sepmaine se diront a la fin et yssue de prime, nous a icelluy secrestain avons donné et octroyé, et a ses successeurs secrestains de ladite eglise perpetuelment, chascun an, huit livres tournois de rantes assise, nous, confians de votre loyauté et bonne diligence, vous mandons et commandons, en commectans expressement, que appellé nostre receveur et autres officiers de nostredicte chastellenie d'Ussel

Ussel-d'Allier : Allier, ar. Moulins, c. Gannat.

, avons dehue chascun an, par noz tenemenciers, subgiez et manans de ladicte terre, vous baillez, delivrez, assignés et assees en rante audit secrestain, pour et ou nom de ladicte secrestannerie, et de ses successeurs en icelle, ladicte somme de huit livres tournois de rante, pour les causes dessusdictes, et icelle somme faites confesser, respondre, recongnoistre, prier et satisfere doresenavant audit secrestain et ses successeurs, tant en deniers comme blez et autres choses, par nozdiz tenemenciers et subgiez, au nom d'eulx ou de leurs successeurs ou temps ad venir, en leur faisant invocacion et commandement depar nous que ainsi le facent, ausquelx nous, par la teneur de ces lettres, le commandons par expres, car des sommes d'argent, blez et autres choses par eulx ainsi responduez et recongneues ausdiz secrestain et ses successeurs, nous, iceulx tenemenciers, debteurs et subgiez, avons et voulons estre a tousjours maiz quictes et paisibles, et leurs hoirs et successeurs, par devers nous et les nostres en futur, et de ces choses faire enteriner et acomplir nous vous donnons plain pouvoir, auctorité et mandement especial, mandons et commandons a noz chastellain, procureur, receveur, prevosts, baillaux, sergens et autres officiers et subgiez de nostredit chastel et chastellenie d'Ussel, et a chascun d'eulx, si comme a lui appartiendra, que en ces choses faisant vous obeissent diligemment et entendent sans aucun contredit. DonnÉ au chastel de Moulins, le XVIe jour du moys de novembre, l'an de grace mil quatre cens et seze.