1415, 15 décembreCleppé (Château)

Anne Dauphine, duchesse de Bourbonnais etc., institue six messes en l'église de Saint-Bonnet-le-Chastel, dédiées à saint Anne et Marie Madeleine, et nomme prébendiers Étienne Croz, Pierre Calier et Perre Lyonnet, qu'elle dote d'une rente annuelle de ving et une livres tournois, payée par le prévôt dudit lieu, conformément aux dispositions de son testament.

Nous Anne Dauphine, duchesse de Bourbonnois, contesse de Fourez et dame de Beaujeu, a tous ceulx qui ces presentes lettres verront et orront, savoir faisons que, comme nagueres par nosttre devocion, intencion, salut et remede des ames de nous et de nos predecesseurs, nous ayons ordonné, fondé et institué en l'eglise de Saint-Bonnet-le-Chastel

Saint-Bonnet-le-Château : Loire, ar. Montbrison, c. Saint-Just-Saint-Rambert.

une prebende, a dire et celebrer toutes les sepmaynes de l'an, a tousjours maiz, six petites messes qui se diront en ladite esglise par trois prebendiers, c'est assavoir troys de madame sainte Anne, et les autres troys <messes> de de la Marie Magdeleine, et lesquieulx seront tenus a la fin d'une chacune desdites messes dire commemoracion de nous, et, pour icelles messes dire et celebrer, ayons donné audit trois prebendiers vint <et une> livres de pencions annuelle en valeur, a prandre et avoir sur nostre recepte et prevosté dudit lieu de Saint-Bonnet-le-Chastel, chacun an, aux termes c'est assavoir la moytié a Pasques et l'autre moytié a la Toussains ensuivant

chacun an suivi dans la première rédaction de aux termes de noz autres legs et aumosnes, comme plus a plain en nostre testament et darreniere volunté est contenu, barré et surmonté d'un symbole de renvoi vers la fin du texte, après la date, où se trouve la mention c'est assavoir (…) la Toussains ensuivant. Celle-ci est elle-même barré, pour permettre l'ajout de la liste des témoins et ainsi terminer l'acte.

, est ainsi que nous, desirans tres a cuer icellui testament acomplir en nostre presente vie, perseverans en nostre bon propos, de nostre certaine science, des maintenant ordonnons, fondons et instituons par la teneur de ces noz lettres, en ladite esglise de Saint-Bonnet-le-Chastel, la prebende desdittes six messes, de laquelle desja nous instituons et nommons messire Etienne Croz, messire Pierre Calier et messire Piarre Lyonnet, <prestres>, pour

Le signe de chancellerie n se trouve dans la hampe du p.

icelles prebendes deservir et lesdittes messes dire et celebrer en la forme et maniere qu'il appartient, retenu a nous et noz successeurs, perpetuelment, la collacion d'icelle prebende quant le cas eschevra. Sy

Idem pour le s.

donnons en mandement a nos amés et feaulx conseillers les gens de noz comptes en Fourez que, receu le serement

serement suivi de promesse barré.

desdiz troys prebendiers acoustumé de fere en tel cas, et registré en nostre chambre desdiz comptes, iceulx prebendiers mettent en possession et saysine de laditte prebende et desdiz vint <et une> livres tournois, facent

facent précédé de lez, barré et surmonté d'un symbole de renvoi, sans que celui ne soit reporté.

payer et satisfaire par nostredit prevost dudit lieu de Saint-Bonnet-le-Chastel qui a present est, et sera <pour>

pour remplace par, barré.

le temps ad venir, ladicte summe de vint <et une> livres tornois, parmi rapportant vidimus de ces presentes <pour>

pour remplace que, barré.

une foys tant seulement, et quittance souffisant sur ce, ung chacun an en ses comptes, sans contradicion ou difficulté aucune, car ainsi l'avons ordonné et nous plait estre fait, non obstant quieulxconques mandemens, ordonnances <ou>

ou remplace et, barré.

deffences a ce contrayres. Et afin que ce soyt chose ferme et estable a tousjours mays, nous avons fet mettre nostre seel a ces presentes, fetes et donnees en nostre chastel de Cleppé

Cleppé : Loire, ar. Montbrison, c. Feurs.

, le quinzesme jour du moys de décembre, l'an de grace mil quatre cens et quinze. Presens noz amez et feaulx messire Amier Vert, nostre bailli de Fourez

Membre d'un lignage ancien du Forez, Amé Vert est d'abord capitaine-châtelain de Saint-Bonnet en 1402 (É. Perroy, Les familles nobles du Forez au xiiie siècle, II, p. 941). Il est nommé bailli de Forez le 16 juin 1414 (Paris, Bibliothèque nationale de France, lat. 10034, fol. 44V). Il remplace Guichard d'Urfé. Il demeure bailli jusqu'à sa mort, en 1455 (Archives départementales Loire, B 1844, fol. 24). Il cumula sa charge avec celle de capitaine-châtelain de Saint-Bonnet et de Marols (Ibid., fol. 25v).

, Jocerand de Sainte Colombe, escuïer, mestre de nostre hostel

Josserand de Sainte-Colombe est maître d'hôtel de la duchesse Anne Dauphine de 1413 à 1416.

, maistre Jehan Tenet, licencié en loys, nostre conseiller et advocat, et Guillaume Rajace, nostre secretaire et auditeur en nostre chambre des comptes a Montbrison

Guillaume Rajace a d'abord été clerc des comptes. Sa dernière mention dans cet office remonte au mois de juin 1413 (Archives départementales Loire, B 1958, fol. 77). Il est ensuite promu conseiller à la Chambre de Montbrison : cité le 15 mai 1416, il l'est encore en mars 1418 (ibid., B 1837, fol. 93 et 96v). En 1390, il a été nommé capitaine-châtelain de Souternon en 1390 (Paris, Bibliothèque nationale de France, fol. 114v ; O. Mattéoni, Servir le prince, p. 254n).

, tesmoins a ce appellés

Le texte de la minute s'achève par un n de chancellerie.

.