1412, 5 aoûtCleppé

Anne Dauphine, duchesse de Bourbonnais etc., passe procuration à Guichard d'Urfé, bailli de Forez, pour rendre au duc de Bourgogne l'hommage des terres qu'elle tient de lui en Beaujolais.

Nos Anne Dalphina, duchesse de Bourbonnoys, contesse de Fourez et dame de Beaujeu, savoir faisons a tous ceulx qui ces presentes lettres verront que nous, de nostre certaine science et bonne voulunté, avons fait establi, constitué et ordonné, faisons, constituons, ordonnons et establissons par cez presentes nostre procureur general certain, especial et irrevocable nostre tres chier et bien amé chivalier, messire Guichart d'Ulphé, nostre bailli de Fourez

Fils d'Arnoul Raybe d'Urfé, Guichard d'Urfé, comme son frère Arnoul, a débuté sa carrière dans les armes sous les ordres du maréchal de Sancerre et de Louis II de Bourbon. Il fait aussi carrière au service du roi comme sénéchal de Quercy de 1392 à 1409 (A. Demurger, "Guerre civile et changements du personnel administratif", p. 295-296). Chambellan du duc d'Orléans en 1403, il est cité bailli de Forez en 1409 (Archives départementales Loire, B 20), et il le demeure jusqu'en 1414 (Paris, Bibliothèque nationale de France, lat. 10034, fol. 44v). Il meurt avant 1418 (É. Perroy, Les familles nobles du Forez, II, p. 623-625).

, pourteur cez noz presentes lettres, c'est assavoir a soy presenter et compareoir pour et ou nom de nous par davant mon tres chier seigneur et cousin le duc de Bourgoingne, et lui fere et recongnoistre les foy et homage et touz autres chapitres de feaulté en quoi nous lui summes et pourions estre tenus a cause de nostre terre et baronie de Beaujuloys, par la forme et maniere que par noz predecesseurs est acoustumé de fere, et de jurer et de fere au nom de nous et pour nous le serement de feaulté, ensemble tous les chapitres en tel cas acoustumé de fere, et toutes autres chouses que ad ce peuvent et doyvent appartenir et est necessayre de fere, de demander, requerir, et avoir de mondit seigneur et cousin terme, respit et souffrance sur ce dehu et que lui plaira de fere, signiffier et expouser a mondit seigneur et cousin la diligence par nous fete, de fere et acomplir les choses appartenant es foy et homage dessusdiz, et autrez noz excusations touchans ledit fait si besoing est, et en outre de fere, procurer et exercer toutes et singuleres autrez choses en ce appartenans et necceseres, et que nous ferions et fere pourrions si nous estions personnelment en presence et en propre pesonne ; desquelles chouses et chascunnes d'icelles fere passer, acomplir et accorder nous avons donné, et par ces presentes donnons plain povoir, auctorité et mandement especial a nostredit chevalier, bailli et procureur dessus nommé, et promettons en bonne foy et serement, et soubz l'obligance de tous noz biens, tenir et avoir bon, ferme et agreable tout ce que per nostredit chevalier, bailli et procureur, par nous et au nom de nous, sera fait, passé, dit, procuré et accordé envers mondit seigneur et cousin en ceste partie, et relever nostredit chevalier, bailli et procureur de toute charge et satisdacion avecques toutes autrez clauses ad ce en tel cas dehues et necesseres. En tesmoing des quelles choses, nous avons fait mectre nostre propre seel a cez noz presentes lettres, et signer par le noctayres royal cy-dessoubz escript. Faictes et donnees en nostre chastel de Cleppé

Cleppé : Loire, ar. Montbrison, c. Feurs.

, le cinquiesme jour d'aoust, l'an mil quatre cens et douze, presens noz amez et feaulx Jehan de Serre, maistre de nostre hostel

Jean de Serre ou de Sarre a été maître des eaux et forêts du duché de Bourbonnais en 1405-1409 (Moulins, Archives municipales, n°247, fol. 45 ; n°249, fol. 129v), avant de devenir maître de l'hôtel d'Anne Dauphine.

, et Bertrand de Boutheon, nostre escuïer

Fils de Bertrand I de Bouthéon, Bertrand de Bouthéon est cité écuyer d'Anne Dauphine en 1410 et encore en 1417, mais il est qualifié de chevalier en 1415. Possessionné à Saint-Marcellin et à Saint-Bonnet-le-Château, il est chargé en 1422 par Marie de Berry d'escorter des combattants lombards en Ronnais (É. Perroy, Les familles nobles du Forez, I, p.155-156).

, tesmoings ad ce appelles et requis.

Et moy Pierre de Crosolhes, cler et notaire du roy nostre seigneur, qui es chouses dessus dictes, faictes, passees et accordees par nostredicte dame, ay esté presens, stipulans et receveurs comme notaire public, et a sa requeste et de son commandement ay signé ces presentes, en tesmoing des chouses dessudictes, de mon seing manuel cy amprés mis,