1415, 5 juin Paris (Hôtel de Nesle)

Jean, fils de roi de France, duc de Berry et d'Auvergne, etc., après les avoir reçu de la Sainte-Chapelle de Bourges de la main de son trésorier, Arnoul Belin qu'il décharge de leur garde, déclare avoir donné, le jour du Saint-Sacrement de l'année 1415, à son neveu le duc de Guyenne, deux « tableaux d'or » richement garnis de pierreries (perles, saphirs, émeraudes), dont l'un, représentant une crucifixion, avec la Vierge et saint Jean à côté du Christ, a été acheté à Cendre Billot le 1er janvier 1409 (n. st.), et l'autre, qui figure la résurrection et d'autres scènes de la vie du Christ, a été donnée à la reine à Melun en juin 1401

Nous Jehan, filz de roy de France, duc de Berry et d'Auvergne, conte de Poictou, d'Estampes, de Boulougne et d'Auvergne,

congnoissons et confessons avoir eu et receu de noz chiers et bien amez les tresorier et chapictre de nostre chapelle de nostre palais de Bourges par la main de nostre amé et feal conseillier maistre Arnoul Belin, tresorier d'icelle

Arnoul Belin est désigné trésorier de la Sainte-Chapellele 10 mai 1404 (Archives départementales du Cher, 8G 1452, cote M, cité par Françoise Lehoux, Jean de France, duc de Berri. Sa vie, son action politique (1340-1416), vol. III, De l'avènement de Jean sans Peur à la mort du duc de Berri, Paris, Picard, 1968, p. 15). Il est signalé comme conseiller du duc en 1401 (Françoise Lehoux, Jean de France, duc de Berri. Sa vie, son action politique (1340-1416), vol. II, De l'avènement de Charles VI à la mort de Philippe de Bourgogne, Paris, Picard, 1966, p. 462, n. 5).

, deux tableaux d'or garniz de perrerie desquelz la declaracion s'ensuit. Premierement ung grant tableau d'or ancien fait en maniere de treillis d'un pié et demi de hault et d'un pié de large ou environ, ouquel par devant est nostre Seigneur en la croix et aux coustez nostre Dame et saint Jehan faiz en maniere de haulte taille et est garni ledit tableau de trante et trois balaiz

Pierre précieuse rouge, variété de rubis d'Orient (DMF).

que gros que petis, trante et ung saphirs dont il en y a trois plus gros que les autres et de soixante dix sept perles que grosses que petites, et siet icellui tableau sur trois piez de mesures en maniere de deux arcs voultis ; lequel tableau ainsi garni comme dit est nous achaptasmes avecques un autre de Cendre Billot aux estraines le premier jour de janvier l'an mil CCCC et huit. Item un autre grant tableau d'or de haulte taille d'ancienne façon, ouquel par devant est la resurrection nostre Seigneur et plusieurs ymages entour garni de celle part de dix huit balaiz de plusieurs façons, vint six saphirs, six esmeraudes, onze petis camahieux et sept vins deux perles que grosses que moiennes que petites de petite valeur, et siet sur un pié d'or en façon d'un chastel a quatre tournelles dont la porte est d'une perre noire entaillee du baptisement nostre Seigneur, et aux coustez a quatre grans camahieux, et ou darriere dudit tableau a tout au dessus une pierre de Cassidoine creuse escripte entour, et en descendant a une autre perre noire en façon d'une porte entaillee d'un ymage de Dieu qui tyre les ames d'enfer et se apparoist ala Magdlene et y a escript : « Quem queris Dominum meum »

Citation condensée de Jean, 20, 15 et 13.

, et en descendant plus bas a un ymage de saint Mathieu, un autre ymage appellé Egippus, roy d'Ethiopie

Roi d'Éthiopie converti par Matthieu.

, et un autre appellé Beor

Béor, père de Balaam (Genèse 36, 32 ; Nombres 22, 5).

, et ou darriere du pié a une croix garnie de menue perrerie de voirre

Il s'agit d'ivoire.

, lequel tableau ainsi garni comme dit est madame la royne de France nous donna a Melun

Melun, Seine-et-Marne, ch.-l. dép.

ou mois de juing l'an mil CCCC et ung. Lesquelz deux tableaux d'or dessus diz par nous ainsi euz et receuz de nostredicte chapelle par la main de nostredit conseillier comme dit est nous donnasmes le jour du Saint Sacrement derrenier passé

30 mai 1415.

a nostre tres chier et tres amé neveu monseigneur de duc de Guienne. Et d'iceulx tableaux nous tenons pour contens,

et voulons par ces presentes que iceulx tresorier et chapictre de nostredicte chapelle et tous autres a qui il pourroit compecter et appartenir en soient et demeurent quictes et deschargiez partout ou il appartendra sanz aucun contredit ou difficulté, et sanz ce que jamais on leur en puisse aucune chose demander.

Donné a Paris, en nostre hostel de Neelle

Hôtel de Nesle, résidence du duc à Paris.

, le Vme jour de juing, l'an de grace mil CCCC et quinze.

Par monseigneur le duc.

J. Vignaut.