1402 (n. st.), 17 janvierMontbrison

Louis, duc de Bourbonnais etc., nomme Hélias Dedoles receveur de la châtellenie de Saint-Just-en-Chevalet en remplacement de Jean Popinat, nommé receveur de Moulins, et mande à ses gens des comptes de Montbrison de l'instituer dans l'office une fois reçus de l'intéressé le serment et la caution accoutumés.

Loÿs, duc de Bourbonnois, conte de Forez, baron et seigneur de Beaujeu, per et chamberier de France, seigneur de Combraille et de Chaste Chignon

Château-Chinon : Nièvre, ch.-l. ar.

, a touz ceulx qui verront ces presentes lettres, salut. Savoir faisons que, pour le bon et convenable rapport que fait nous a esté de la personne de nostre amé Helias Dedoles, clerc, confians a pplein de ses sens, loyaulté et bonne diligence, ycellui avons fait, ordenné et establi, faisons, ordennons et establissons et par ces presentes retenons nostre receveur de nostre terre, chastel, mandament et chastellenie de Saint Just le Chivallet

Saint-Just-en-Chevalet : Loire, ar. Roanne, ch.-l. c.

en Forez et ressort et appartenances d'icelles, pour et ou lieu de Jehan Popinat

Jean Popinat avait été nommé le 11 août 1382 (BnF, lat. 10034, fol. 90v).

, par avant nostre receveur audit lieu, lequel nous avons establi nostre receveur de Molins ; et audit Helias avons donné et donnons par ces presentes plain pouvoir et mandement especial dudit office de recepte et avec l'amanderiere

Dans le sens d'"amanderie" pour désigner l'office de celui qui est chargé de la rédaction des actes, ici dans le cadre de la châtellenie. On soulignera la rare utilisation de ce mot dans les actes de l'administration forézienne qui parlent plus volontiers d'office de "clerc du papier".

dudit lieu, laquelle tenoit ledit Popinat, excercer en la maniere dehue et acoustumee de y fere tout ce que bon et loyal receveur semble et appartient de fere esditz offices, tenir et avoir aux gaiges, droiz, proffis et emolumens anciennement acoustumez et que avoit et prenoit ledit Popinat chacun an tant qu'il nous plera, lequel Helias a fait le serement en tel cas acoustumé a fere. Si donnons en commandement par ces presentes a noz amés et feaulx gens de noz comptes a Montbrison que, prins dudit Helias caucion suffisante sur ce, ilz, par la tradicion des papiers, terriers, institucions et tous autres enseignemens servans au fait de sadicte recepte, le mettent et instituent de par nous en possession et saisine desditz ofices et d'iceulx avec les gaigez dessus ditz, le facent, sueffrent et leissent joïr et user pasiblement et a lui facent obeïr de tous a qui il appartiendra en toutes chouses tochant lesditz offices, lesditz gaiges, par rapportant ces presentes ou vidimus d'icelles soubz seel autentique par la premiere foiz, lui allouent en ses comptes sens contredit aucun, non obstant quelconques ordennances, mandements en deffenses ad ce contraire. Donné soubz nostre seel, le XVIIe jour de janvuer, l'an mil quatre cens et un.