1415, 15 décembreCleppé (Château)

Anne Dauphine, duchesse de Bourbonnais etc., institue trois messes quotidiennes pour saint Jean Baptiste, conformément aux dispositions de son testament, et une quatrième pour les morts, en l'église de Saint-Jean de Moingt, et nomme prébendiers Étienne Ferend, prêtre, et François de Cloustre, "povre clerc qui presentement se dispouse a prandre les sains ordres", qu'elle dote de quatorze livres tournois de rente annuelle à prendre sur la prévôté de Montsupt.

Nous Anne Dauphine, duchesse de Bourbonnois, contesse de Fourez et dame de Beaujeu, a tous ceulx qui ces presentes lettres verront et orront, savoir faisons que, comme nagueres en nostre testament et darreniere volunté, pour nostre devocion, nous avons ordonné, fondé et institué une prebende en l'eglise de saint Jehan de Moing les Montbrison

Moingt : auj. Montbrison, ch.-l. ar. L'église de Saint-Jean de Moingt est l'une des églises de Moingt. Elle est citée en 1316 (J.-E. Dufour, Dictionnaire topographique du Forez, p. 577).

, a dire et celebrer toutes les sepmaines de l'an a tousjours mais trois petites messes de saint Jehan Baptiste, et presentement une petite messe dez mors, et a la fin d'icelles fere commemoracion pour les mors, et, pour icelles messes dire et celebrer ayons donné quatorze livres tournois de pension annuelle en valeur, a prandre et avoir sur nostre recepte et prevosté de Montseupt

Monsupt : Loire, Saint-Georges-Haute-Ville, ar. et c. Montbrison.

chacun an aux termes, c'est assavoir la moytié a Pasques et l'autre moitié a la Toussains ensuivant, est ainsi que nous, desirans tres a cuer icellui testament acomplir en nostre presente vie, perseverant en nostre bon propos, de nostre certaine science, desmaintenant ordonnons, fondons et institutons par la teneur de cez noz lettres en ladite esglise dudit saint Jehan de Moing la prebende desdites quatre messes, a laquelle desja nous instituons et nommons messire Estienne Ferend, prestre, et Francoys de Cloustre, poure clerc qui presentement se dispouse a prandre les sains ordres, pour icelle prebende deservir et lesdites messes dire et celebrer en la maniere qu'il appartient, retenu a nous et a noz successeurs, perpetuelment, la collacion d'icelle prebende, quant le cas eschevra. Si donnons en mandement a noz amés et feaulx conseillers les gens de noz comptes en Fourez que, receu le serement desdiz prebendiers acoustumé de fere en tel cas, et registré en nostre chambre desdiz comptes, iceulx prebendiers mettent en possession et saysine de ladite prebende et desdiz quatorze livres tournois, les facent paier et satisfaire par nostre prevost dudit Montseupt qui a present est, et sera pour le temps ad venir, ladite somme de quatorze livres tournois, parmi rapportant vidimus de ces presentes pour une fois tant seulement, et quittance souffisant sur ce ung chacun an en ses comptes, sans contradicion ou difficulté aucune, car ainsi l'avons ordonné et nous plaist-il estre fait, nonobstant queulxconques mandemens, ordonnances et deffences a ce contraire. Et affin que ce soit ferme chose et estable a tousjours mays, nous avons fait mettre nostre seel a ces presentes, faictes et donnees en nostre chastel de Cleppé

Cleppé : Loire, ar. Montbrison, c. Feurs.

, le quinziesme jours de novembre, l'an mil quatre cens et quinze. Presens noz amez et feaulx messire Amier Vert, nostre bailli de Fourez

Membre d'un lignage ancien du Forez, Amé Vert est d'abord capitaine-châtelain de Saint-Bonnet en 1402 (É. Perroy, Les familles nobles du Forez au xiiiee siècle, II, p. 941). Il est nommé bailli de Forez le 16 juin 1414 (Paris, Bibliothèque nationale de France, lat. 10034, fol. 44V). Il remplace Guichard d'Urfé. Il demeure bailli jusqu'à sa mort, en 1455 (Archives départementales Loire, B 1844, fol. 24). Il cumula sa charge avec celle de capitaine-châtelain de Saint-Bonnet et de Marols (Ibid., fol. 25v).

, Jocerand de Sainte Colombe, escuïer, mestre de nostre hostel

Josserand de Sainte-Colombe est maître d'hôtel de la duchesse Anne Dauphine de 1413 à 1416.

, mestre Jehan Tenet, licencié en loys, nostre conseiller et advocat, et Guillaume Rajace, nostre secretaire et auditeur en nostre chambre dez comptes a Montbrison

Guillaume Rajace a d'abord été clerc des comptes. Sa dernière mention dans cet office remonte au mois de juin 1413 (Archives départementales Loire, B 1958, fol. 77). Il est ensuite promu conseiller à la Chambre de Montbrison : cité le 15 mai 1416, il l'est encore en mars 1418 (ibid., B 1837, fol. 93 et 96v). En 1390, il a été nommé capitaine-châtelain de Souternon en 1390 (Paris, Bibliothèque nationale de France, fol. 114v ; O. Mattéoni, Servir le prince, p. 254n).

, tesmoings a ce appellés.