1415, 16 avrilCleppé

Anne, duchesse de Bourbonnais etc., autorise Jean de Theliz, son écuyer, à obliger vingt de ses vassaux de la châtellenie de Montmelas à faire guet et garde au château du Sou, appartenant audit Jean de Theliz.

Anne Dauphine, duchesse de Bourbonnois, contesse de Forez et dame de Beaujeu, a touz noz officiers et subgés, salut. Savoir faisons que nous, oÿe la requeste de nostre amé et feal escuïer Jehan de Theliz, contenant que, par feu nostre tres chier et tres amé cousin messire Anthoine, seigneur de Beaujeu, et par feu nostre tres chier et tres amé cousin messire Edouart, seigneur de Beaujeu, que Dieux absoille, aient esté prestez vint […] des plus prouchains de la maison fort de Saen, appartenant audit escuïer, de noz subgez de Montmalast

Auj. Montmelas-Saint-Sorlin : Rhône, ar. Villefranche-sur-Saône, c. Gleizé.

, pour gaytier et fere retrait en ladite maison fort, et en ycelle gaytier tant come il leur plairoit, comme puet apparoir par les lettres sur ce, sur lesquelles

ce, sur lesquelles : mots effacés.

cez noz presentes sont atachiés, en nous requerant que lesdites lettres nous plaise ractiffier

ractiffier : mot effacé.

et confirmer, nous, désirans le bien de nos feaulx et subgez, ainsi que pour deffault des gardes ladite maison fort ne s'en ensuyt aucun inconveniant, et pour autres causes a ce nous mouvans, lesdictes lettres, en tant comme touche lesdiz gaytes, pour fere grant garde et retrait en ladicte mayson fort du Saen, avons ractiffié et confirmé, ractiffions et confirmons par ces presentes, tant come il nous plaira, en priant nostre tres chiere et tres amee cousine, dame Helienor de Beaufort, dame de Beaujeu, que ledit Jehan de Theliz, laisse et face joïr et user desdiz

mot effacé.

vint gueyter tant come nous plaira, come dit est, volons aussi que ces presentes et autres lectres attacheez a icellez soient avant toute come enregistrees en la chambre de nous compte en Beaujeulois, car ainsi nous plaist-il estre fait, et de grace especial l'avons octroïé audit Jehan, et octroïons comme dit est par ces presentes. DonnÉ a Cleppé

Cleppé : Loire, ar. Montbrison, c. Feurs.

, soubz nostre seel, le XVIe jour d'avril, l'an mil CCCC et quinze. Par madame la duchesse

mot effacé.

, messire Amé Vert, bailli de Forez

Membre d'un lignage ancien du Forez, Amé Vert est capitaine-châtelain de Saint-Bonnet en 1402 (É. Perroy, Les familles nobles du Forez au xiiiee siècle, II, p. 941). Il est nommé bailli de Forez le 16 juin 1414 (Paris, Bibliothèque nationale de France, lat. 10034, fol. 44V). Il remplace Guichard d'Urfé. Il demeure bailli jusqu'à sa mort, en 1455 (Archives départementales Loire, B 1844, fol. 24). Il cumula sa charge avec celle de capitaine-châtelain de Saint-Bonnet et de Marols (Ibid., fol. 25v).

, et Jocerand de Saincte Colombe

Josserand de Sainte-Colombe est maître d'hôtel de la duchesse Anne Dauphine de 1413 à 1416.

, presens.