26

1450 (n. st.), 12 mars. — Château de Moulins.

Quittance d’Agnès de Bourgogne, duchesse de Bourbonnais et d’Auvergne, etc., pour soixante queues de vin destinées à sa boisson, à celle de Jeanne de France, comtesse de Clermont, et de ses enfants.

A.Original sur papier, endommagé L’encre de la partie gauche est pâle, si ce n’est complètement effacée, par endroit. Lecture effectuée sous la lampe de Wood. , signé et comportant les traces d’un sceau plaqué en cire rouge. 270 x 210 mm. Archives départementales de la Côte d’Or, B 11942, cote 247.

Analyse : Inventaire-sommaire…, Côte d’Or…, V, page 212.

Nous Agnes de Bourgoigne, duchesse de Bourbonnois et d’Auvergne, contesse de Clermont et de Forez, dame de Beaujeu et de Chasteau Chinon, certiffions a tous a qui il appartiendra que noz amez et feaulx Estienne Joufey et Jehan Boyer, de ceste nostre ville de Molins, ont levé et prins ou mois de decembre dernier passé, pour la boisson de madame Jehanne de France, de nous et de noz enffans, la quantité de soixante queutes de vins dez vignobles de Givry et de Saint Desiré, lesquelx Estienne et Boyer ont conduites et amenees en ceste nostredicte ville de Molins lesdictes LX queues de vin, et ycelles baillees a nostre amé et feal escuïer et maistre d’ostel Pierre (mot effacé : …, pour la ?) boisson de madicte dame Jehanne, de nous et de noz enffans, comme dit est, et pour ce que lesdiz Estienne et Boyer avoient baillé pleges et caucions pour paier les droiz que nostre tres chier et honoré frere le duc (mots effacés : de Bourgoingne) a mis sur chascune queue de vin yssans desdiz vignobles, au cas que nostre tres chier et amé seigneur et frere (mots effacés)fere puet, nous prions et requerons Estienne Denier et Guillaume Goyon (nombreux mots effacés)du treu de VI gros pour queue, et autre a qui il appartiendra, que lesdiz pleges et cautions ilz vueillent tenir quictes et paisibles desdiz LX queues de vin, sens leur en receus demander ores ne pour le temps ad venir, et en ce faisant ilz nous feront plaisir. En tesmoing de ce, nous avons fait mettre nostre seel a ces presentes.Donné en nostre chastel de Moulins, le XII eme jour de mars, l’an de grace mil CCCC quarante et neuf.

Par madame la duchesse,

Moreau.